ରଂଜିତା ପତି
ଶାଳବନ ରାଣୀ
ମାଆ ମୋ ତାରିଣୀ
ଗୁହାରୀ ଶୁଣିମା ହେଉ,,,,
ତୋହପରି ମାଆ
ଥାଇ ଏ ସଂସାରେ
ଭକତ ଦୁଃଖ ନ ପାଉ,,,,
ଦୟାର ମୂରତି
ଅପାର ତୋ ଶକ୍ତି
କରନା ମାଆଲୋ ଉଣା,,,,,
ଦେଲେ ଥରେ ଚାହିଁ
ଅପଲକ ନେତ୍ରେ
ଝରଇ ଧାରା କରୁଣା,,,,
ତୋ ପଣତ କାନି
ଅଭୟ ବରଣୀ
ଦେଇ ଭକତର ଶିରେ,,,,
ତାରିବୁ ସଂସାରୁ
ଭବ ପାରାବାରୁ
ଫେଡିଣ ଦୁର୍ଗତି ବାରେ,,,
ଅପରୂପା ତୁହି
ମାଆ ଶକ୍ତିମୟୀ
କେ ବର୍ଣିବ ତୋ ମହିମା,,,,
ଯୁଗେ ଯୁଗେ ମାଲୋ
ନାନା ରୂପ ଧରି
କରିଛୁ ଭକତେ କ୍ଷମା,,,,
ତୁହି କାତ୍ୟାୟନୀ
ବିପଦ ଭଞ୍ଜନୀ
ତୁହି ଧାତ୍ରୀ ତୁହି ଉମା,,,,
ଦେବେ ଅଗୋଚର
ମହିମା ତୋହର
ଶିବାଙ୍ଗୀ ଗୋ ହରବାମା,,,,
ଶୈଳପୁତ୍ରୀ ମାଗୋ
ମାଆ ସିଦ୍ଧିଦାତ୍ରୀ
ତାରିଣୀ ମାଆ ତୁ ମୋର,, ,,
ତୋ ପଦେ ଗୁହାରୀ
ଜଣାଏ ଆତୁରେ
ତ୍ରାହି କର ଭକ୍ତେ ତୋର,,,,,।
ଗଂଜାମ
No comments:
Post a Comment