"ଅ"

ନିର୍ମଳ ନାୟକ

ଅଗଣା ରେ  ଆଈ ମା ପାଶେ... 

ଅସରନ୍ତି କାହାଣୀମାଳା ଆସେ !! 

ଅଗଣିତ ତାରଗଣ  ସାଥିରେ... 

ଅଯାଚିତ ସୌନ୍ଦର୍ଯ୍ୟ ରୂପରେ !! 

ଅନିଦ୍ୟ ସୁନ୍ଦରୀ ଚାନ୍ଦ କାହାଣୀ 

ଅପ୍ସରୀ ସ୍ୱର୍ଗର ରୁପସୀ ତରୁଣୀ !! 

ଅଗନା ଅଗ୍ନି ବନସ୍ତ ଅସୁରୁଣୀ.. 

ଅକାତ ପାଣିରେ ବୁଢ଼ା ତରଣୀ !! 

ଅନାବନା ଗପର ପସରା ମେଲି... 

ଅପାଠୁଆ ଆଈ ହସେ ଖିଲି ଖିଲି !! 

ଅନ୍ଧାରେ ନାତି ନାତୁଣୀଙ୍କ ସାଥେ.. 

ଅସୁମାରୀ ଢଗ ଓ ଢମାଳି ବାଣ୍ଟେ !! 

ଅତି ସମୀପେ ବୃନ୍ଦାବତୀ  ରାଣୀ.. 

ଅସୀମ ଆନନ୍ଦେ ଶୁଣେ  କାହାଣୀ !! 

ଅନାହାରେ ବିଚରା ବୁଢ଼ା ବ୍ରାହ୍ମଣ.. 

ଅସଜଡ଼ା ପୌରାଣିକ ତଥ୍ୟଗଣ !! 

ଅଙ୍ଗନରେ ଶିଶୁଗଣ ସ୍ୱର ଗୁଂଜଇ.. 

ଅହେତୁକ ମୋହ ମାୟା ରେ ବାଇ !! 

ଅନଳ ସହିତ ଆହୁତିରେ ଇନ୍ଧନ.. 

ଅନାବନା  କାହାଣୀ ର  ରନ୍ଧନ !! 

ଅଜା ଆଈ ଙ୍କ ନିଇତି  ଝଗଡା... 

ଅନୀତି ଆଉ ନୀତି ର ଅବଡ଼ା !! 

ଅତି ସୁନ୍ଦର ପରି ରାଇଜ ଗଳପ...

ଅଜାତଶତ୍ରୁର ପିତୃହନ୍ତା କଳାପ !! 

ଅନେକ ପ୍ରକାର  କାହାଣୀ  ଶୁଣି...

ଅଜା  ମଝିରେ ରୋକିଲେ ପୁଣି !! 

ଅକାରଣେ ରୁଷିଗଲେ  ଆଈରାଣୀ.. 

ଅସମାପ୍ତ ରହିଗଲା ଆମ କାହାଣୀ !! 

"ଅ" ର  କାହାଣୀ ଥିଲା ଅଶେଷ.. 

ଅଜା ଆସି ସବୁ କରିଲେ ଶେଷ  !! 

151, ନାଗାର୍ଜୁନ କଲୋନୀ 

ନାରା ରୋଡ, ଜରିପଟକା 

ନାଗପୁର, ମହାରାଷ୍ଟ୍ର. 

440014