ନେତାଙ୍କ ନେତା ନେତାଜୀ

 ସୂର୍ଯ୍ୟ ନାରାୟଣ ସାବତ

ନେତାଙ୍କ ନେତା ଅଦ୍ଵିତୀୟ ନେତା,

ଭାରତ ମାତାର ସୁଯୋଗ୍ୟ ସୁତ,

ଲଢୁଆ ସେନା ବାହିନୀ ନିର୍ମାତା,

ଚଖେଇବାକୁ ସ୍ୱାଧୀନତା ସ୍ୱାଦ ।

ଭାରତ ଜନନୀ ଆଖିରୁ ଲୁହ,

ପୋଛିବାକୁ ପଣ କରିଲ ତୁମେ,

ଦେଶ ମାତୃକାର ହୃଦୟ କୋହ,

ଜନମି ଥିଲ ଏ ଭାରତ ଭୁମେ ।

କର୍ମବୀର ବାଗ୍ମୀ ରାଷ୍ଟ୍ରନାୟକ,

ନିର୍ଭୀକ ନିର୍ଲୋଭ ଦେଶସେବକ,

ରାଷ୍ଟ୍ରପ୍ରେମ ମଧୁପାନ ନିମିତ୍ତ,

ଜୀବନ କରିଛ ଉତ୍ସର୍ଗୀକୃତ ।

ବିଶ୍ୱ ଭାତୃତ୍ବର ଅମୃତ ବାଣୀ,

ଶୁଣାଇଲ ସବୁ ମନକୁ ଜିଣି,

ଜନ ମାନସରେ ପାଇ ପ୍ରସଂଶା,

ହରିନେଲ ତୁମେ ଫିରିଙ୍ଗି ହସା ।

ସୁବାଷ ବୋଷଙ୍କ ଭୟେ ବ୍ରିଟିଶି,

ପ୍ରମାଦ ଗଣିଲା ବେଶିରୁ ବେଶୀ,

ବଢିଗଲା ତାଙ୍କ ସୁବାଷ ଭୀତି,

ଶଙ୍କାରେ ଥରିଲା ଇଂରାଜୀ ଛାତି ।

ବ୍ରିଟିଶ ଶାସନ ଥରିଲା ଯେଣୁ,

ବାହାନା ରଚିଲେ ବେପାରୀ ତେଣୁ,

ତାରିଫ କରିଲେ ଅହିଂସା ନୀତି,

ଛାଡି ପଳାଇଲେ ରାତିକାରାତି ।

        ************

                      ସହକାରୀ ଶିକ୍ଷକ,

ସରକାରୀ ବାଳିକା ଉଚ୍ଚ ବିଦ୍ୟାଳୟ, ଗୁମ୍ମା(ବୈପାରିଗୁଡା)-୭୬୪୦୪୩

କୋରାପୁଟ ଜିଲ୍ଲା(ଓଡିଶା)