ଗାଁ ସାମ୍ବାଦିକା

ନିର୍ମଳ ନାୟକ 

*********

ଆମ ଗାଁ ସାମ୍ବାଦିକା ରସିକା ମାଉସୀ.. 

ସକାଳ ପହରୁ ବାର ଘରେ ବସି... 

ହାନି ଲାଭ  ଖବର ସଜ ଆଉ  ବାସି.... 

ସଭିଙ୍କ ମନ ବୁଝି  ଦିଏ  ପରସି  !! 

ହସି ହସି କଥା କୁହେ ଚାରୁ ମିଷ୍ଟଭାଷୀ.. 

ନଦୀ ତଟେ ଗାଁ ଯାକ ଖବର ବରଷି... 

ସଞ୍ଜବେଳେ ମନ୍ଦିରରେ ତରୁଣୀ ଷୋଡସି.. 

ମାଉସୀଙ୍କ ପ୍ରିୟ  ସେ କାହାଣୀ କଳସି  !! 

ପ୍ରେମ ପ୍ରକରଣ  ସମ୍ବାଦ ପହିଲି ପୃଷ୍ଠାରେ... 

ପୁରା ଅଂଚଳର ଖବର ନଖ ଦର୍ପଣରେ... 

ପିଲା ଜନ୍ମ, ଜନ୍ମଦିନ, ବିବାହ, ବ୍ରତ ଘରେ.. 

ବ୍ୟସ୍ତ ଥାଏ ମାଉସୀ ସକାଳ ସଞ୍ଜରେ !! 

ଶାଶୁ ବୋହୁ ଙ୍କ  କଳି, ଭାଇ ଭାଇ ଙ୍କ ଗାଳି.. 

ଆଈ ମା ଙ୍କର ପ୍ରିୟ  ଢଗ ଆଉ  ଢମାଳି... 

ମାଉସୀ ଙ୍କ  ସମ୍ବାଦ ପୃଷ୍ଠାଙ୍କ ର ରତ୍ନ ମାଳି... 

ଲୋକେ ଦେଖି ଚୁପ  ବଦନାମ ଭାଳି  !! 

ଆମ ଗାଁ  ମୁଖପତ୍ର  ଆମ ରସିକା  ମାଉସୀ.. 

ଅଂଚଳର ତାଜା ଖବର ସାଇତି ରଖିଛି... 

ହସ, ଲୁହ, ସୁଖ, ଦୁଃଖ  ଅନେକ  କାହାଣୀ.. 

ଆଖପାଖ ଅଂଚଳେ ପ୍ରିୟ ରସିକା ଭଉଣୀ !! 

151, ନାଗାର୍ଜୁନ  କଲୋନୀ 

ନାରା ରୋଡ, ଜରିପଟକା 

ନାଗପୁର, ମହାରାଷ୍ଟ୍ର 

440014