ନୀରବତା

ନିର୍ମଳ ନାୟକ 

(କବିତା )

******* 

ଚୁପଚାପ,ଗୁମ୍ ସୁମ୍ ଓ ନୀରବତା... 

ଲମ୍ବିଯାଉଥିବା ସମ୍ପର୍କର ଦୂରତା...

ମନରେ ଅସୁମାରୀ ଅହେତୁକ ଚିନ୍ତା.. 

ବଖାଣେ ଏକ  ଅବ୍ୟକ୍ତ କଥା  !! 

ହସୁଥିଲି, ବାହାରକୁ ପରନ୍ତୁ ଦୁଃଖି... 

ସାହା ନାହିଁ କେହି ନିରିମାଖି... 

ଅସହାୟ ମଣୁଛି ନିଜକୁ ସେ ସାକ୍ଷୀ.. 

ବିଶାଳ ସଂସାର ପାଏ ନାହିଁ ଆଖି !! 

ବିଷାଦ ର ବିଷ ପିଇ ବଂଚିଛି ବଞ୍ଚିବି...

ତୁମ ନୀରବତା ନୀରବେ ସହିବି.. 

ଟିକେବି ଅଭିଯୋଗ କାହିଁକି  କରିବି... 

ଅସହାୟତାର ମନ୍ତ୍ର ଜପ କରିବି !! 

ସହିବାକୁ ଶକ୍ତି ଦିଅ ପ୍ରଭୁ ଆଦିମୂଳ.. 

ଭଵ ଦରିଆରେ ପାଏନି କୁଳ... 

ମଝିରେ ନାଆ ନା ଏକୁଳ ନା ସେକୁଳ.. 

ରକ୍ଷାକର ପ୍ରଭୁ ହେ ମହାକାଳ !! 

ଏହାର ପରିସମାପ୍ତି ପ୍ରାୟ ଅବଶମ୍ଭାବୀ.. 

ତଥାପି  ମୁହିଁ ଟିକେ ଆଶାବାଦୀ... 

ଗୁହାରି  ମୋ ନିଶ୍ଚୟ ଶୁଣିବେ  ଅନାଦି.. 

ନୀରବତା ପୁରା ହୋଇବ ମିଆଦି  !! 

151, ନାଗାର୍ଜୁନ କଲୋନୀ 

ନାରା ରୋଡ, ଜରିପଟକା 

ନାଗପୁର, ମହାରାଷ୍ଟ୍ର