🇮🇳ଆଜି ଗଣତନ୍ତ୍ର ଦିବସ 🇮🇳

ଜୟ କୁମାର ମିଶ୍ର, ଶିକ୍ଷକ 

*********************

ଜାନୁଆରୀ ଛିଵିଶି, ଗଣତନ୍ତ୍ର ଦିବସ 

ଡାକରା ଦିଅଇ ବlରେ, 

ଜାତୀୟ ପତାକା, ପୀଠତଳେ ରହି

ମିଳିତ ହୋଇବା ଥରେ ll(1)

ଗାଇବା ସଂଗୀତ, ଜାତୀୟର  ଗୀତ 

ଜନ ଗଣ ମନ ସୁର , 

ଜାତୀୟ ପିତାଙ୍କୁ ସ୍ମରଣ କରବା 

ସେଇତ ଅମର ବୀର ll(2)

କରିବା ଶପଥ, ହାତପରେ ହାତ 

ମିଳାଇ ହୋଇବା ମିତ, 

ସବୁ ଭେଦଭାବ କରିଦେବା ରଦ

ଧରିବା  ପ୍ରଗତି ପଥ ll(3)

ଶାନ୍ତି,ପ୍ରୀତି,ମୈତ୍ରୀ, ବନ୍ଧନ ରଜ୍ଜୁରେ 

ଛନ୍ଦି ବାନ୍ଧି  ହୋଇଯିବା , 

ଶତ୍ରୁ ପାଶରେ, ଟାଣ ପଣ ହୋଇ 

 ପରାସ୍ତଟି କରୁଥିବା ll(4)

ସଭିଏଁ ସମାନ, ନାହିଁ ଭିନ୍ନାଭିନ୍ନ 

ଗୋଟିଏ ମାଆର ପିଲା, 

ଜାତି,ଧର୍ମ, ବର୍ଣ୍ଣ, ଭାଷା ଭାବନାରେ

ମିତ୍ରତା ଭରିଦେଲା ll (5)

କୃଷି ବିଜ୍ଞାନରେ ସାହିତ୍ୟ ସୃଷ୍ଟିରେ 

ତନୁ ମନ ଏକକରି 

ସଭ୍ୟତା, ସଂସ୍କୃତି ସଂସ୍କାର ଗଢିବା 

ଏକାଗ୍ରତା ଭାବ ଧରି ll(6)

ଶିକ୍ଷା, ସଂଗୀତ, କଳାପ୍ରେମୀ ହେବା

ଅଜ୍ଞାନ ଅନ୍ଧାର ଏଡି, 

ଶିଳ୍ପ ଗଢିବା, ଶିଳ୍ପୀ ହୋଇବା 

ପ୍ରଗତି ରଥରେ ଚଢି ll(7) 

ଆଦିଭୂମି ଏହି, ବେଦଭୂମି ଏହି 

ଶାନ୍ତି ବାରତା ଦିଏ, 

ରକ୍ତପାତ ଛାଡି, ସଂଘର୍ଷକୁ ଏଡି

ଭେଦରେ ଏକତା ଚାହେଁ ll(8)

ନ୍ୟାୟ,ଧର୍ମ ମାର୍ଗ, ଦିଗ ବହୁଦିଗ 

ପ୍ରଶସ୍ତ ପସରା ସିଏ, 

ଦେଇଛି ଦୀକ୍ଷା,  ଦେଇଛି ସୁରକ୍ଷା 

ଆମର ବାଣୀକୁ କହେ, ll(9)

ଆଲ୍ଲା, ଯୀଶୁ,ରାମ, ଗୀତା ଭାଗଵତ 

ବାଇବେଲ କୋରାନ କଥା, 

ସଭିଙ୍କୁ ସମ୍ମାନ, ଦେବାଟି ଶିଖାଏ 

ନାହିଁ ଭିନ୍ନାଭିନ୍ନ ପନ୍ଥା  ll(10)

ଆଜିଏ ଗଣତନ୍ତ୍ର, ଦେଉ ମହାମନ୍ତ୍ର 

କ୍ରାନ୍ତି ପଥରେ ନେଉ,

ସଦବୁଦ୍ଧି  ସଦଭାବନା ର  ରବି

କୁଶଳ ବାରତା କହୁ ll(12)

ଏତିକି କାମନା, ଏତିକି ବାସନା 

ମନରେ ମୋ  ଉଙ୍କି ମାରେ, 

ବୀର ପୁରୁଷଙ୍କ ସପନ ସାକାର 

ହେଉଥାଉ ନିରନ୍ତରେ ll(13)

***********************

ଜୟ କୁମାର ମିଶ୍ର, ଶିକ୍ଷକତଥା 

ପ୍ରାକ୍ତନ ଛାତ୍ର, କାଶୀନଗର 

ବାରଣାସି ସରକାରୀ ଉଚ୍ଚ ବିଦ୍ୟାଳୟ, କାଶୀନଗର, ଗଜପତି 

ଓଡିଶା, 761206