ମାନବ ସେବା

          ସନ୍ତୋଷ କୁମାର ସାହୁ

ମଣିଷ, ମଣିଷ ରକତ ତ ଏକ

ଏକୁ ଯେ ଆରେକ 

ନିରିଖେଇ ଦେଖ

ନୁହେଁଟି ଭିନ୍ନ କାହାରି l

ମାନବର ସେବା ମାଧବ ସେବା

ଲେଖା ଅଛି ପରା ଶାସ୍ତ୍ରେ  ଆମରି l

ସେବା କରି ଯେଉଁ ପୂଣ୍ୟ ଅରଜିବା

ପୂଣ୍ୟପ୍ରଦ ହେବ ସଦା ସବୁରି l

ଗୋପବନ୍ଧୁ ଆଉ ମଦର୍ ଟେରେସା

ସେବା ଆଚରିଣ ପାଇଲେ ପୂଜା l

ସେହି ଦେଶେ ଜନ୍ମି କିମ୍ପାଇ ହେ ଭାଇ

ମଣିଷ ଜନମେ ପାଇବା ଲଜ୍ଜା l

ଦରିଦ୍ର ନାରାୟଣେ କରିଲେ ସେବା

ବୈକୁଣ୍ଠପ୍ରାପ୍ତିର ଯୋଗ

ଦୁଃଖୀ ଜନ ଯେବେ ହୋଇବେ ତୃପତି

ମଣିଷ ଜୀବନ ହୋଇବ ସାର୍ଥକ

ମନରେ ନରଖ ଟିକିଏ ଦକ l

ଚିର୍ମା
ନବରଂଗପୁର