ସର୍ବେ ଏଠି ଏକ ମଞ୍ଚ କଳାକାର
କରୁଛନ୍ତି ଅଭିନୟ
ଭିନ୍ନ ଭିନ୍ନ ବେଶ ଧାରଣ କରିଣ
ଜୀବନ ଆବେଗ ମୟ।
ମିଛ ମାୟା ଡୋରେ ଆବଦ୍ଧ ରହିଲେ
ଧରାକୁ ମଣନ୍ତି ସାରା
ଜାଣି ନ ପାରନ୍ତି ଦେଖିବେକି ନାହିଁ
ଉଦିତ ସୁର୍ଯ୍ୟେ ଧରା।
ଉଦିତ ସୂର୍ଯ୍ୟ ନେଇ ଆସୁ ଖୁସି
ସର୍ବ ଜନ ମନେ ଆଜି
ହଟି ଯାଉ କ୍ଲେଶ ସର୍ବେ ସରସ
ହସୁ ଥାନ୍ତୁ ବୃକ୍ଷ ରାଜି।
ହୋଇଯାଉ ଧରା ଶସ୍ୟ ଶ୍ୟାମଳ
କୃଷକ ମନେ ହରଷ
ଯୋଗାଇବ ସିଏ ଅନ୍ନ ସମ୍ଭାର
ମାନବର ମନ ତୋଷ।
ଆଶା ତ ଅନେକ ହେବାକୁ ପୁରଣ
ନୂଆ ସକାଳ ଅପେକ୍ଷା
ହଟିଯାଉ କଳା ରାତ୍ରିର ଫର୍ଦ୍ଦ
ପ୍ରଭୂ ସମୀପେ ଏ ଭିକ୍ଷା।
ଅରୁଣ କୁମାର ମହାପାତ୍ର
No comments:
Post a Comment