ହରିହର ଭୂକ୍ତା
ଦୂରରୁ କଣ୍ଣ ଗୋଚର ହୁଏ ଅଶ୍ବ ଟାପୁର ଧ୍ବନି
ପଶ୍ଚିମ ଗଗନ ପୃଷ୍ଠ ଦେଶରୁ ସୂର୍ଯ୍ୟଙ୍କ ମେଲାଣି ।
ବିହଙ୍ଗମଙ୍କ ନୀଡକୁ ପତ୍ୟାବର୍ତନର ସମୟ
ଗୋଧୂଳି ବାସ୍ନାରେ ଗ୍ରାମ ପରିବେଶ ଉହ୍ଲାସମୟ ।
ଦେବାଳୟ ଶଙ୍ଖ,ଘଣ୍ଟ,କିର୍ତ୍ତନ ଶଦ୍ଧରେ ମୁଖରିତ
ଭବନର ଚଉରା ମୂଳରେ ସଞ୍ଜବତୀ ଶୋଭିତ ।
କର୍ମଠ କୃଷକ ସନ୍ଧ୍ୟା ଆଗମନେ ବିଶ୍ରାମ ରତ
ସନ୍ଧ୍ୟାର ଶୋଭା ମଣ୍ଡନ କରେ ଆଲୋକିତ ଖଦ୍ୟୋତ।
କିଆ ଗହିର ମାଳରୁ କୋକିଶିଆଳି ହୁକେ ହୁ ସ୍ବର
ଭାଗବତ ଟୁଙ୍ଗୀରେ ଗୋବିନ୍ଦ ,ଗୋବିନ୍ଦ ଭକ୍ତି ସ୍ବର ।
ନିକଟ ବର୍ତୀ ଗ୍ରାମରୁ ଭାଷିଆସେ ଖଞ୍ଜଣୀର ଶଦ୍ଧ
ଆଲୋକରେ ଆଲୋକିତ ସମସ୍ତ ଗୃହ ଓ ପ୍ରାସାଦ ।
ଧରା ପୃଷ୍ଠକୁ ଘୋଟିଆସେ ଘୋର ତମସା କାଳିମା
ମହା ଗଗନ ପୃଷ୍ଠରେ ଇନ୍ଦୁଙ୍କ ଦୃଶ୍ୟ ମନରୋମା ।
ଗଗନ ବକ୍ଷ ଭେଦକରି ଶୋଭା ପାଏ ଟିକି ତାରା
ସୃଷ୍ଟି କର୍ତାଙ୍କ ସୃଷ୍ଟିରେ ସୌନ୍ଦର୍ଯ୍ୟରେ ପୂର୍ଣ୍ଣଏ' ଧରା ।
ହରିହର ଭୂକ୍ତା ,ରାକସ,ତାଳଚେର,ଅନୁଗୋଳ
No comments:
Post a Comment