କେଉଁ ବିଶ୍ୱକର୍ମା ଗଢିଥିଲା ତୋତେ
ଅଧାଗଢ଼ା ରୂପ ଦେଇ
ଅଧା ଚାନ୍ଦ ପରି ଅଧା ଅଧରରେ
ଅଧା ଅଧା ହସ ଥୋଇ
ଦାସିଆର ହିତେ ତୋର ଅଧା ହାତେ
ନଡ଼ିଆକୁ ଥିଲୁ ନେଇ
ପୁଣି ଜୟଦେବ ଗୀତ ଗୋବିନ୍ଦରେ
ଅଧା ଲେଖା ପଦ ହୋଇ
ଅଧା ରହିଗଲା ରାଧା ପ୍ରେମ ତୋର
ତ୍ୟାଗର ପ୍ରତୀକ ହୋଇ
ଅଧା ରଖିଦେଲୁ ଦହିର ପାଉଣା
ମାଣିକକୁ ମୁଦି ଦେଇ
ଅଧା ରଖିଲୁ ତୁ ଭାରତ ଯୁଦ୍ଧକୁ
ଗୋଟେ ଓଳି ପାଇଁ ଚାହିଁ
ଅଧା ରହେ ତୋର ପୋଡ଼ପିଠା ଖିଆ
ନଅ ଦିନ ଗଲେ ହୋଇ
ଅଧା ରାହାସ ତୋ ବାକି ଅଛି ପରା
ଗୁପ୍ତ କ୍ଷେତ୍ର ଅଛି ଚାହିଁ
ଅଧା ବୈଶାଖରେ ମଳୟ ବହିବ
ପୁଣି ଗୋପୀ ଯିବେ ଧାଇଁ
ରଞ୍ଜନ କୁମାର ମହାନ୍ତି
ବାଲେଶ୍ୱର
No comments:
Post a Comment