ଅରୁଣ କୁମାର ମହାପାତ୍ର
ଜନ୍ମଠାରୁ ଆରମ୍ଭ ଜୀବନ ଜଞ୍ଜାଳ
ଭୂମିଷ୍ଟ ସନ୍ତାନ ରୋଦନ କରଇ
ହେଉ ଥାଏ ଭୋକରେ ଡହଳ ବିକଳ।
କିଶୋର ଅବସ୍ଥା ଖେଳିବାର ବେଳ
ଗଡି ଗଡ଼ି ଲୋଟୁଥାଏ ଭୂଇଁ ପରେ
ହଜାଇ ସେ
ଛୋଟ ଛୋଟ ପେଂଡୁ ବା କଣ୍ଢେଇ।
ଯୁବାବସ୍ଥା ଜଞ୍ଜାଳ ଯେ ମନରେ ସୀମିତ
ଚାପିରଖି ଛାତି ତଳେ
ମନର କୁହୁକ
ହସୁଥାଏ ମୁରୁକି ମୁରୁକି।
ଆରମ୍ଭ ତତ୍ପରେ ଜୀବନ ଜଞ୍ଜାଳ
ସମର୍ପିତ ବୟସଟା ସମ୍ପଦ ଅର୍ଜନେ
ଲାଗିପଡ଼ି ବଢାଏତା ସଂସାର ସମ୍ପର୍କ।
ବାୟସାତିକ୍ରମେ ସବୁ ଜଞ୍ଜାଳ ସଙ୍କୁଳି
ଇଛାହୁଏ ଦୂରେ ଫିଙ୍ଗି
ପାଇବାକୁ ମୁକ୍ତି।
ଆରମ୍ଭ ଏ ଜଞ୍ଜାଳ ଜନ୍ମରୁ
ବାନ୍ଧିରଖେ ମୃତ୍ୟୁ ଯାଏଁ
ଦୁର୍ବିସହ ଲାଗେ କିନ୍ତୁ
ମୁକ୍ତି ନାହିଁ
ବିଫଳତା ମିଳେ ଖାଲି
ମୃତ୍ୟୁ ଆସି ଯେ ପର୍ଯ୍ୟନ୍ତ
ନେଇ ନାହିଁ ଯେ ସଂଖୋଳି।
ଅଶ୍ୱପୁରମ, ତେଲେଙ୍ଗାନା
No comments:
Post a Comment