✍ସନାତନ ମହାକୁଡ଼
ମରୀଚିକା
ବାଲୁକା ସାଗର
ଦିଏ ମିଥ୍ୟା ପ୍ରତିଶ୍ରୃତି
ଜଳ ନ ଥାଇ ଜଳକା କରାଏ
ମରୁଭୂମିରେ ଲୁଚକାଳି ଖେଳେ ।
ଯେମିତି
ଯୌତୁକ ଦ୍ଵାହି ଦେଇ
ଗଡ଼ିଚାଲେ
ଯୁବତୀର ବିବାହ ବୟସ ।
ରୋଗ ଶଯ୍ୟାର ମରୀଚିକାରେ
ଅର୍ଥ ସାଜେ ବାଧକ
ଚିକିତ୍ସା ବିନା
ସରିଯାଏ ବାକିଥିବା ଆୟୁଷ ।
ରାଜନୀତିର ମରୁଭୂମିରେ
ଓଟସାଜି ବୁଲୁଥିବା
ନେତାଙ୍କର ପ୍ରତିଶୃତି
ପାଲଟେ ମରୀଚିକା
ଦେଖୁ ଦେଖୁ ଚାଲିଯାଏ ପାଂଚଟି ବରଷ ।
ଗ୍ରାମ/ପୋ. ଅ: ଵେରୁଆଁବାରୀ
ଜିଲ୍ଲା:ନୟାଗଡ଼- ୭୫୨୦୮୨,ଓଡିଶା।
No comments:
Post a Comment