ସ୍ବାଧୀନତା ପଥେ ଚାଲିଛୁରେ ଆମେ
ମୁକତିର ଭାବ ନେଇ
ଆନନ୍ଦ ଉଲ୍ଲାସେ ନାଚିଲେରେ ସର୍ବେ
ଜାତୀୟ ସଙ୍ଗୀତ ଗାଇ । ୧ ।
ଗାନ୍ଧୀଜୀ ତୁମେ ଶାନ୍ତି ମୁକ୍ତିଦାତା
ପ୍ରଗତିର ବାର୍ତ୍ତାବହ
ଜାଣିଛ କି ବାପୁ ମାଟି ମାଆ ମୋର
ହୃଦେ ଚାପିଅଛି କୋହ । ୨ ।
କୃଷକ ହୋଇଛି ଦାଦନ ଶ୍ରମିକ
ପାଷାଣେ ପିଟୁଛି ମଥା
ନାରୀର ଆଖିରୁ ଲୁହ ତ ଶୁଖୁନି
ଵର୍ଣ୍ଣିବି କି ତାର ଗାଥା । ୩ ।
ଶିଶୁ ନିର୍ଯ୍ୟାତନା ଯୈ।ନ ଯାତନା
ଉତ୍ପିଡିତ ନାବାଳିକା
ଉତ୍ତର ଦକ୍ଷିଣେ ପୂରୁବ ପଶ୍ଚିମେ
ମିଛମାୟା କୁହେଳିକା । ୪ ।
ବିଜୟ ହୋଇଛି ଅସତ୍ୟର ବାଣୀ
ସତ୍ୟର ହତ୍ୟା ହୋଇଛି
ଗୁମୁରି ଗୁମୁରି କାନ୍ଦୁଛି ମାଆଟି
ଅତୀତକୁ ଝୁରି ହେଉଛି । ୫ ।
ଶିକ୍ଷାର ଆଚାର ଶିକ୍ଷାର ପ୍ରସାର
ହୋଇଛିରେ ମୂଲ୍ୟହୀନ
ମୂଲ୍ୟବୋଧଠାରୁ ଦୂରେଇ ଯାଇଛି
ବନ୍ଦୀ ଶିକ୍ଷକ ଜୀବନ । ୬ ।
ବିନା ପରିଶ୍ରମେ କୋଟିପତି ଆଶା
ବାନ୍ଧିଲାଣି ବସା ମନେ
ହତ୍ୟା ଲୁଣ୍ଠନର ଆଶ୍ରୟ ନେଉଛି
ଗହନ ମନର ବନେ । ୭ ।
ଫେରି ଆସ ପୁଣି ଏ ଧରା ପୃଷ୍ଠକୁ
ଅହିଂସାର ଅସୀ ଧରି
ଜାତିପ୍ରେମ ବହ୍ନି ପ୍ରଜ୍ବଳିତ କର
ହିଂସାକୁ ଆହୂତି କରି । ୮
ଲେଖକ -- ରବୀନ୍ଦ୍ର କୁମାର ବେହେରା
ଚିକିଟୀ , ଗଞ୍ଜାମ
* * * * * * * * * * * * * * *
No comments:
Post a Comment