ଅନ୍ୟାୟକୁ ଆଜି ପ୍ରଶ୍ରୟ ଦେବାଟା
ନୂଆ ନେତାଙ୍କ ପ୍ରୟାସ
ମନେ ପକାଉଛି ତୁମକୁ ଭାରତ
ଗାନ୍ଧୀ ତୁମେ ଫେରି ଆସ ।
ଖଟି ଖାଇ ତୁମେ କାଟି ପିନ୍ଧୁଥିଲ
ଦୁଃଖେ କରି ବସ ବାସ
ସେ ସବୁ ଭାବିଲେ ଆଖି ଭିଜିଯାଏ
ଗାନ୍ଧୀ ତୁମେ ଫେରି ଆସ ।
ଆଜିକାର ନେତା କରନ୍ତି ମଉଜ
ଉପଭୋଗ ତାଙ୍କ ଆଶ
ଏ ସବୁ ଦୁର୍ନୀତି ଦେଖିବା ପାଇଁ ଯେ
ଗାନ୍ଧୀ ତୁମେ ଫେରି ଆସ ।
ତୁମ ଅବଦାନ ଏହି ମାଟିପରେ
ସୃଷ୍ଟିର ଯେଉଁ ବିଶ୍ୱାସ
ଆଜି ତାକୁ ବିଷ କରିଦେଉଛନ୍ତି
ଗାନ୍ଧୀ ତୁମେ ଫେରି ଆସ ।
ସୁନାର ଭାରତ ଚୁନା କରୁଛନ୍ତି
ଦୋଷୀକୁ ମିଳୁନି ଦୋଷ
ଜାତିର ପିତା ହେ ମହାନ ପୁରୁଷ
ଗାନ୍ଧୀ ତୁମେ ଫେରି ଆସ ।
ଅସଜଡ଼ା ହୋଇ ଗଲାଣି ଦେଶଟା
ଲୁହରେ ଭାଷୁଛି ହସ
ସଜାଡ଼ିବା ପାଇଁ ନେଇ ଥରେ ଜନ୍ମ
ଗାନ୍ଧୀ ତୁମେ ଫେରି ଆସ ।
. ସମାପ୍ତ
____●◆●____
✍ ଅମରନାଥ ବାରିକ୍
💌 କୟାଁ,ମଙ୍ଗଳପୁର, ଯାଜପୁର
____●◆●____
✍ ଅମରନାଥ ବାରିକ୍
💌 କୟାଁ,ମଙ୍ଗଳପୁର, ଯାଜପୁର
No comments:
Post a Comment