✒️ ମାଧବାନନ୍ଦ ଭୋଇ
ଜୀବନର ଚକ ଘୁରୁଛି,
ଟ୍ରଲି ରିକ୍ସା ଚକ ବୁଲୁଛି,
ଭୋକର ଭୂଗୋଳ,ଚକ୍ରବାତ ସମ,
ପେଟ ବେମାରିଟା ମାରି ଦେଉଛି । ।
ପୁରୀରୁ କଟକ, ମନ ଛଟପଟ
ଆଜି ମୁଁ ବଡ ମେଡିକାଲ ଯାଉଛି ।
କବୀର୍ ଭୋଇ ମୁଁ କହୁଛି । ।
ଗରିବ ଲାଂଛିତ ମୁଁ ବେସାହାରା,
ପାଖେ ଧନ ନାହିଁ, ମୁଁ ସର୍ବହରା ।
ରୋଗ ହେଲେ ଧନ ପାଇବି କାହୁଁ,
ଆଖିରୁ ମୋର ଝରୁଛି ଲହୁ,
ଏ ସରକାର ଡାକ ଶୁଣୁ ନାହିଁ.
ନିଜ କରମକୁ ନିନ୍ଦୁଛି ।
କବୀର୍ ଭୋଇ ମୁଁ କହୁଛି ।
ଧିକ ମୋର ଯାଉ ଗେରସ୍ତପଣ ।
ମାଇପିକୁ ନେଲା ସେ ଜନ୍ତୁରାଣ ।
ଗରିବ ଜୀବନ ହିନୀମାନିଆ ।
ନିତି ପିନ୍ଧୁଥାଏ ଲୁଗା ସାତ ସିଆଁ ।
ବେଳା ମୋ ଖରାପ ପଡିଛି ।
କବୀର୍ ଭୋଇ ମୁଁ କହୁଛି ।
କାନ୍ ଖୋଲ୍ କର ଶୁଣ୍ ସରକାର ।
ସ୍ବାସ୍ଥ୍ୟର ପ୍ରଗତି, ପିଟୁୁଛୁ ଢୋଲ୍ ।
ଗରିବ ମରିବ, ତା ଜୁଇ ଜଳିବ,
ଏ ଦେଶେ ରହିବା,ତୋର୍ କି ଦର୍କାର
ଗରିବ ଲୁହରେ ତତଲା ଲୁହରେ,
ଦିନେ ରାଜ ଗାଦି ଭୁଷୁଡି ଯିବରେ ।
ଦୁନିଆଁକୁ ଡାକି କହୁଛି ।
କବୀର୍ ଭୋଇ ମୁଁ କହୁଛି।
ସାଧାରଣ ସଂପାଦକ:ଉଦୟ ଭାନୁ,
ସା:ଭୋଦଳ, ପୋ:ପାଟସୁନ୍ଦରପୁର, କଟକ,
ସା:ଭୋଦଳ, ପୋ:ପାଟସୁନ୍ଦରପୁର, କଟକ,
No comments:
Post a Comment