ସୁକାନ୍ତ ଖଣ୍ଡା
ହେ ମାଆ !
ତୁମେ ଆସୁଛ ବୋଲି
ଶରତ ସଜେଇ ଦେଲାଣି
ଚାରିଆଡ଼େ ଶୋଭାର ଭଣ୍ଡାର
ଦିଗବଳୟ ରୂପ ବଦଳଉଛି
ଯେତେ ଦେଖିଲେ ମନ ଫେରୁନାହିଁ।
ଏମିତି କାଳରେ କାଶତଣ୍ଡି
ଚାମର ଢାଳୁଛି,କଳକଳ ନଈ
ସ୍ବଚ୍ଛ ଓ ପବିତ୍ର
ସମୁଦ୍ର ପାଣିରେ ଜହ୍ନର ମୁହଁ ବି
ଦିକିଦିକି ଦିଶୁଛି
ମାଆ ଆସିବେ ବୋଲି ତ ସଭିଏଁ
ଏକ ମନ ଓ ପ୍ରାଣରେ ହଜେଇ ଦେଇଛନ୍ତି
ସାଇଁସାଇଁ ପବନର ଗୀତ ନିରବତା
ବନଭୂମି ହସୁଛି ହୋଇ କି ବିଭୋର।
ଶରତ ତୁମକୁ ଧନ୍ଯବାଦ
ତୁମେ ସଜେଇଛ ନିଜ ହାତରେ
କିଏ କେମିତି ଆବାହନ କରିବାକୁ।
ଦେଖ !
ତୁମର ଇଛାରେ ମାଆ ଓହ୍ଲେଇ ଆସିଲେଣି
ନାଶ କରିବେ ଭୟଙ୍କର ବ୍ୟାଧି
ଦୁଷ୍ଟ ନିବାରି ସନ୍ଥ ପାଳିବାକୁ।
ମାଆ ତୁମକୁ ଶତକୋଟି ପ୍ରଣାମ
ଆସ !
ଶରଣ ଇଛାରେ
ଦୁଃଖ ଦୂରକରି ଭରିଦିଅ
ଆକାଶେ ଆଲୁଅ,ଆକାଶ କୁସୁମ।
*
ଶିକ୍ଷକ ମକାଶୁଖିଲା ପ୍ରାଥମିକ ବିଦ୍ୟାଳୟ
ପୋ-ଚକ୍ରଧରପୁର ଭା-ହରିଚନ୍ଦନପୁର ଜି-କେନ୍ଦୁଝର ପି-୭୫୮୦୨୮
ପୋ-ଚକ୍ରଧରପୁର ଭା-ହରିଚନ୍ଦନପୁର ଜି-କେନ୍ଦୁଝର ପି-୭୫୮୦୨୮
No comments:
Post a Comment