କିଏ ମାଗେ କେଉଁ ଭିକ୍ଷା

ଶ୍ରୀ ସୁଦାମ ଦଳବରା

ଭିକାରୀ ମାଗଇ ପେଟ ପାଇଁ ଭିକ୍ଷା,

ତା ସଂସାର ଚଳିବା ପାଇଁ ।

ଦିନକୁ ଦି ମୁଠା ଆହାର ପାଇଲେ,

ହସଖୁସିରେ ସେ ଚଳଇ ।।

ପ୍ରେମିକ ମାଗଇ ପ୍ରେମ ଭିକ୍ଷା ପୁଣି,

ଯୌବନର କ୍ଷୁଧ୍ୱା ମେଣ୍ଟାଇବା ପାଇଁ ।

ପ୍ରେମ ଟିକେ ପାଇଁ କେତେ କଷ୍ଟ କରେ,

ପ୍ରେମରେ ସେ ପାଗଳ ହୋଇ ।।

ଜ୍ବାଇଁ ପୁଅ ମାଗେ ଯୌତୁକ ଭିକ୍ଷା,

ଲୋକ ଦେଖାଣିଆ ହୋଇ ।

ଯୌତୁକ ନେଇ ଫୁଲେଇ କହିବେ,

ଖୁସିରେ ମୋ ଶଶୁର ଘର ଦେଇଛନ୍ତି ଏହି ।।

 ଅଫିସର ମାଗେ ଲାଞ୍ଚର ଭିକ୍ଷା,

କଳା ଧନ ବୃଦ୍ଧି ପାଇ  ।

କଳାଧନରେ ସେ ଆଭିଯାତ୍ୟ ଦେଖାନ୍ତି,

ସମାଜରେ ଉଚ୍ଚରେ ଚଳିବା ପାଇଁ ।।

ନେତା ମାଗିଥାନ୍ତି ଭୋଟର ଭିକ୍ଷା ,

ନିଜ କ୍ଷମତାର ବୃଦ୍ଧି ପାଇଁ ।

ଜନତାର ଭୋଟ ପାଇଗଲା ପରେ,

ଜନତା ଠାରୁ ଯାଆନ୍ତି ସେ ଦୂରେଇ ।

କିଏ ମାଗିଥାଏ କେଉଁ ଭିକ୍ଷା ପୁଣି,

ସ୍ଥାନ କାଳ ପତ୍ର ଦେଖି ।

ନିଜ ସମ୍ମାନକୁ ଜଗିରଖି କରି,

ସର୍ବେ ହୋଇଥାନ୍ତି ସିଏ ସତୀ ।।