ମାଧବୀ ପଟେଲ।
ଜୀବନ ସହିତ ଭୋକର ସଂପର୍କ
ଜଡିଥାଏ ସବୁଦିନ।
ଶିଶୁରୁ ଯୁବକ କ୍ରମାଗତ ଭାବେ
ହେବାଯାଏ ତା ମରଣ।
ମରଣରେ ଶେଷ ଭୋକର ଉତ୍ପାତ
ଆଜୀବନ ପାରେ ଜାଳି।
କୁଲି ମଜୁରି କି ଚାକିରିଆ ହୁଏ
କିଏ ଧରେ ଭିକ୍ଷାଥାଳି।
ଭୋକର ପ୍ରକାର ଅନେକ ରକମ
ଯୌନ ଭୋକ ପେଟ ଭୋକ।
କ୍ଷୃଧିତ ଥାଏ କେ ଯଶ କ୍ଷାତିପାଇଁ।
କାହାର ଚଉକି ଭୋକ।
ଏ ଭୋକ ଚଲାଏ ଅସତର ପଥେ
ମର୍ଯ୍ୟଦା ଲଙ୍ଘନ କରେ।
ନିୟନ୍ତ୍ରଣ ଯିଏ କରେ ତା ଜୀବନେ
ସିଏ ଶ୍ରଦ୍ଧା ଲାଭ କରେ।
ଝାରସୁଗୁଡା।
No comments:
Post a Comment