Monday, November 30, 2020

ବିଦାୟ କାର୍ତ୍ତିକ

ଶୁଭିବନି ଆଉ ହରି ନାମ

ସକାଳୁ ସକାଳୁ

ଅବା ଆଉ ଦିଶିବେନି

ଧାଡ଼ି ଧାଡ଼ି ହବିଷାଳୀ

ନଦୀ ବାଲି ପରେ।


ସୋମବାର ଦିନ

ହେବ ନାହିଁ ଭିଡ

ଶିବ ମନ୍ଦିରରେ 

ଶୁଭିବନି ଅଭିଷେକ ମନ୍ତ୍ର ଧ୍ଵନି 

ପ୍ରାତଃକାଳେ ଆଉ। 


ଘରେ ଘରେ ଚାଲୁଥିଲା ଚର୍ଚ୍ଚା 

ମାହାତ୍ମ୍ୟ କାର୍ତ୍ତିକ ମାସର

ସାତ୍ତ୍ୱିକ ଆହାର ଗ୍ରହଣ ପ୍ରକ୍ରିୟା

ଜନମାନସରେ ଥିଲା

ଐଶ୍ୱରୀୟ ଭାବ ଚିନ୍ତାଧାରା।


ଭୁଲିଗଲେ ଆଜି ସବୁ

ପାପପୁଣ୍ୟ କଥା

ଭସେଇ ଆସିଲେ 

ସାତ୍ତ୍ୱିକ ଭାବନା ସକାଳର

ଡ଼ଙ୍ଗା ଭସାଣିରେ।


ଭିଡ ଆଜି ଆମିଷ ବଜାରେ

ଠେଲାେ ପେଲା ଧକା ମୁକା

ପାଇବାକୁ ବାଞ୍ଛିତ ଆକାର ପ୍ରକାର

ଖସି ଯିବ ହାତୁ କାଳେ

ଦୀର୍ଘ ଅପେକ୍ଷାର ଭଲ ଦିନଟି ଆଜିର।


ଅରୁଣ କୁମାର ମହାପାତ୍ର
ଅଶ୍ୱପୁରମ୍,ତେଲେଙ୍ଗାନା

No comments:

Post a Comment

Disclaimer

For all support related issues or to reach our team, Please check below details.
Ph. +91 8668656155 | contact@spreadhappiness.co.in | Link : https://www.facebook.com/spreadhpy