ଆ-କା-ମା-ବୈ ' ର ସୁମଧୁର ତାନେ
ମୁଖରିତ ଉତ୍କଳ ସାଧବର ଜୟଗାନେ
ପାହାନ୍ତିଆ ଲଗ୍ନେ ରାହାସ ପୁନେଇଁ
ନାବ ମେଲିଦିଏ ପାନଗୁଆ ଥୋଇ
ଗୌରବଗାଥାର ଦୀପ ଜଳେ ମିଞ୍ଜିମିଞ୍ଜି
ଢଳି ଢଳି ଚାଲେ ନାବ...
ଆମ ହୃତ ସଂସ୍କୃତିର ପ୍ରହରୀ ସାଜି !
ଭକ୍ତିଭରେ ପାଳି ମହାପଞ୍ଚକ
ବିରାଜିତ କରେ ହୃଦେ ଶ୍ରୀରାଧାମାଧବ
ଅର୍ଜ୍ଜେ ସେ ସାରା ମାସ ଧର୍ମ
ଶୁଦ୍ଧ-ସାତ୍ତ୍ୱିକତାର ପିନ୍ଧିଦେଇ ବର୍ମ ।
ବୃନ୍ଦା ପାଦେ ମୁରୁଜର ପଞ୍ଚରଙ୍ଗେ
ପ୍ରାଣବନ୍ତ ଚାରୁଚିତ୍ର ତା'ର ହସ୍ତ-ମଙ୍ଗେ !
ମେଲାଣି ଦିଏ ସାଧବେ
ଜାଭା-ସୁମାତ୍ରାର ଦ୍ଵୀପେ
ଶୁଭମନାସି ସାଧବାଣୀ
ଗାନକରେ ପଦେ.....!
ବିପ୍ପଣୀର ଜୟଧାରେ
ଆଣେ ଧନରତ୍ନ
ଉତ୍କଳକୀର୍ତ୍ତି ଐତିହ୍ୟ
ନିତ୍ୟ କରେ ଯତ୍ନ ।
ଏଇ ତ' ଉତ୍କଳୀୟ କୌଶଳ କର୍ମ ପ୍ରବାହ
ଯା' ପାଇଁ ଏ ମାଟି ହୁଏ ଧନରତ୍ନମୟ
ଲୁପ୍ତପ୍ରାୟ ପରମ୍ପରା - ସାଧବର ଜୟଗାନ
ତଥାପି ଉଲ୍ଲାସେ ପାଳେ ଓଡ଼ିଆ
ତା' ମାଟିର ଅଦ୍ୱିତୀୟ ବୋଇତ ବନ୍ଦାଣ !!!
ପ୍ରିୟରଞ୍ଜନ ସାହୁ
ରସୁଲଗଡ଼,ଭୁବନେଶ୍ୱର
No comments:
Post a Comment