ପିତା ଜନ୍ମ ଦାତା, ପିତା ପାଳନ କର୍ତ୍ତା
ପିତା ହର୍ତ୍ତା-କର୍ତ୍ତା, ଦଇବ ବିଧାତା
ଯିଏ ନିଜ ଛାତି ତଳେ ଚାପି ରଖେ
ଅନେକ ବର୍ଷର ଅକୁହା କଥା
ଜୀବନ ରଣକ୍ଷେତ୍ରେ
ଯିଏ ମୋର ପିତାମହ ଭୀଷ୍ମ
ଯନ୍ତ୍ରଣାର ଶରଶଯ୍ୟାରେ
ହାରିବାକୁ ଦିଏ ନାହିଁ
ନଇଁ ବାକୁ କୁହେ ନାହିଁ
ଆସୁପଛେ , ଜୀବନର ଚଲାପଥେ
ଯେତେ ଝଡ, ଝଂଜା,ବତାସ
ସତ୍ଯ ପଥେ,ଧର୍ମ ପଥେ
ଚାଲି ବାକୁ କୁହେ
ସବୁ ସହିବାକୁ କହେ
ସେ ମୋ ବାପା, ସେ ମୋ ପିତା।
ଅବିଶ୍ରାନ୍ତ ପଥିକ ସେ
ଅନନ୍ତ ମାର୍ଗର ମାର୍ଗ ନିର୍ଦ୍ଦେଶକ
ସ୍ଥିର, ଶାନ୍ତ ଗ୍ରହର
ଧ୍ରୁବତାରା
ସେ ମହାଦ୍ରୁମ, ମୋ ଗାଣ୍ଡିବ ଧାରୀ ଅର୍ଜୁନ ସେ ଗ୍ରୁହରକ୍ଷକ
ପରିବାରର ନିୟନ୍ତ୍ରଣ କାରକ
ପ୍ରଥମ ଶିକ୍ଷକ
ସଂପର୍କର ସେତୁବନ୍ଧ ବାନ୍ଧି ଦେଇଥାଏ
ଯିଏ ଦେଇଥାଏ ମୋର ପୂର୍ଣ୍ଣ ବିବରଣୀ
ସଂପୂର୍ଣ୍ଣ ପରିଚୟ
ମୋ ହ୍ରୁଦୟରେ
ଯାହା ସ୍ପନ୍ଦନ କଥା କହେ
ମୋ ରକ୍ତରେ ରକ୍ତରେ
ଯାହା ରକ୍ତ ବହେ,
ମୋ କଥାରେ କଥାରେ
ଯାହା କଥା ବାସେ
ମୋ ଚାଲିରେ ଚାଲିରେ
ଯାହା ଚାଲି ମିଶେ
ମୋ ମୁହଁରେ ଯାହା ମୁହଁ ଦିଶେ
ସେ ମୋ ବାପା, ସେ ମୋ ପିତା।
ଜୀବନ ନାଟକର ଶ୍ରେଷ୍ଠ କଳାକାର ହୋଇ
ଖରା, ବର୍ଷା ଓ ଶୀତକୁ ଖାତିର୍ ନ କରି
ଯିଏ ବହିଯାଏ ପବନେ ପବନେ
ଯିଏ ଉଡ଼ି ଯାଏ ଗଗନେ ଗଗନେ
ମିଶି, ମିଶାଏ ମାଟି-ଆକାଶ
ନିଳକଣ୍ଠ ସାଜି ହସି ହସି ବିଷ
ଜୀବନ ସହ ବାଜି ଲଗାଏ
ଶେଷ ନିଃଶ୍ବାସ ଥିବା ଯାଏ
ଗଦା ଗଦା ଦୁଃଖ, ଯନ୍ତ୍ରଣା ଓ କଷ୍ଟକୁ ସହି
ନିନ୍ଦା, ଅପବାଦ ସହ ଲୁହକୁ ପିଇ
ବିନା ଦ୍ବିଧାରେ, ବିନା କ୍ଲାନ୍ତରେ
ଛୁଇଁ ଯାଏ ହିମାଳୟ,ସମୟ ସାଥେ
ଯିଏ ପ୍ରତିଟି ସନ୍ତାନର ସୂଚୀପତ୍ର ଲେଖେ
ସେ ମୋ ବାପା, ସେ ମୋ ପିତା।
ପିତା, ତ୍ୟାଗ ଓ ସାଧନାର ପ୍ରତୀକ
ଭାବ, ଭକ୍ତି ଓ ଭୟର ସୂଚକ
ଖୁସି ଟିକିଏ ପାଇଁ
ଯିଏ ଭୁଲିଯାଏ ନିଜ ହସ, ନିଜ ଖୁସି
ନିଜ ସୁଖକୁ ଜଳାଂଜଳି ଦେଇ
ସଭିଙ୍କ ଆଶା ପୂରଣ କରେ
ସଭିଙ୍କ ସ୍ବପ୍ନ ସାକାର କରେ
ଯାହାର କର୍ମ ଓ କର୍ତ୍ତବ୍ଯରେ
ସାରା ଘର, ପରିବାର ମହକେ
ପିଣ୍ଡା, ଦୁଆର, ଅଗଣା ଚମକେ
ଯିଏ ଦିଏ ରାହା, ସାହା
କାୟା, ଛାୟା ହୋଇ ରହିଥାଏ
ଚାରିପାଶେ ପ୍ରତିଟି ମୁହୂର୍ତ୍ତ
ଭଲପାଇବାର ସୂକ୍ଷ୍ମ ସୂତ୍ର ଟିଏ
ପ୍ରୟୋଗ କରି
ବଢିଥାଏ ଆଗକୁ ଆଗକୁ
ନା ଦୁଃଖରେ ଦୋହଲେ
ନା ବିପଦେ ଚହଲେ
ଅନ୍ତର୍ଚେତନା ଭରିଦିଏ ପ୍ରତିଟି ମନରେ
ନିଜକୁ ବୁଝାଇ, ସଭିଙ୍କୁ ବୁଝାଏ
ଘରକୁ ମନ୍ଦିର କରି ମୁଖଶାଳାରେ
ଦୀପ ଟିଏ ହୋଇ ଅନବରତ ଜଳୁଥାଏ
ନିଜକୁ ତଉଲୁଥାଏ
(ସେଥିପାଇଁ ପିତା ଧର୍ମ, ପିତା କର୍ମ
ପିତା ହିଁ ପରମଗୁରୁ)
ସେ ମୋ ବାପା, ସେ ମୋ ପିତା।
🙏ନିଧି ସାହୁ, ପଦାର୍ଥ ବିଁଗାନ🌹
🙏🙏 ହିନ୍ଦ୍, ଜୟ ଭାରତ,
ବନ୍ଦେ ଉତ୍କଳ ଜନନୀ🙏🙏
No comments:
Post a Comment