*ବୁଝିବ* *କେମିତି* .......
×××××××××××××××××××××××
ବୁଝିବ କେମିତି
ଗଭୀର ଭାବନା
ଭାବ ଯଦି ଟିକେ ନାହିଁ
ବେଳା ବାଲୁକାକି
ଭେଳାର ବେଦନା
ବୁଝିବ ରହିଲେ ଚାହିଁ ।
ବଣିକ ବୁଝେକି
ସାମୁକାର ଦୁଃଖ
କାଢିନେଲେ ଥରେ ମୋତି
ଉଲ୍ଲୁକ ବୁଝେକି
ଉଲ୍ଲସିତ ଭାବ
ବସନ୍ତ କୋକିଳ ଗୀତି ।
ଶାଗୁଣା ବୁଝେନି
ଶବର କାହାଣୀ
ଶରୀର ଗଭୀର ଖେଦ
ମଶାଣି ବୁଝେନି
ମଣିଷ କଷଣ
ଜୀବନ ଯାତନା ଭେଦ ।
ବିଟପୀ ବୁଝେନି
ପାଟ ଶଙ୍ଖା ଚୂଡି
ସିନ୍ଦୁର ଟୋପାର ମୋହ
ବାରାଙ୍ଗନା କେବେ
ବୁଝି ପାରେନାହିଁ
ବିଧବା ଅନ୍ତର କୋହ ।
ଖରା ବୁଝେନାହିଁ
ଧରାର ଦହନ
ସବୁଜ ସୁନ୍ଦର ଘାସ
ବାରଦାରା ଦିନେ
ବରବାଦ କରେ
ବୁଝେନି ସରଗ ବାସ ।
****
ବୁଝିବା କଠିନ
କବିର ବେଦନା
ଗଭୀର ଅନନ୍ତ ଆଶା ।
ସାତତାଳ ପାଣି
ସିନ୍ଦୁର ଫରୁଆ
ଅନ୍ତର ଦଳର ଭାଷା ।
................................................
*ପ୍ରସନ୍ନ ମଣ୍ଡଳ*
କୋଟପଲ୍ଲା, ଖୋର୍ଦ୍ଧା
No comments:
Post a Comment