Monday, August 16, 2021

ଭୁଲ କେଉଁଠି ?

*****ଭୁଲ କେଉଁଠି? ******
        ***********
        (ବାର୍ଦ୍ଧକ୍ୟ ଚିନ୍ତା)
          *********
ବାପା ମାଆ ତୁମେ
କହି ଦିଅ ମୋତେ
କେଉଁଠି ରହିଲା ଭୁଲ?
ବାଲ୍ଯ ପଉଗଣ୍ଡ
କୈଶୋର ଯୌବନ
ବାର୍ଦ୍ଧକ୍ୟକୁ ଚାଲି ଗଲ। 

ପୁତ୍ର ଜନ୍ମ ଦେବା 
ପାଳିବା ପୋଷିବା
କର୍ତ୍ତବ୍ୟ ତୁମର ଇଏ
କର୍ମ ଅନୁସାରେ 
ଫଳ ମିଳିଥାଏ 
ପ୍ରତିଶ୍ରୁତି ଦେବ କିଏ??? 

ପୁତ୍ର ଲାଗି ତୁମେ
ସବୁ କରିଥାଅ
କିଛି ବି ନ ଥାଏ ବାକି
ସଂସ୍କାରଟା ଯଦି
ଠିକ୍ ରହିଥାଏ
କାମ ହୁଏ ମନ ଲାଖି। 

ବିଦେଶରେ ପୁତ୍ର 
ଚାକିରିଟେ କରି
ଅର୍ଥ ରୋଜଗାର କରେ
ତୁମ କଥା ବୁଝି
ତମକୁ ଚଳାଏ
ତା'ସଂସାର ପୁଣି ଧରେ। 

ପାଖେ ନ ରହିଲେ 
କି ସେବା କରିବ
ଚାକିରୀ ନ କଲେ ଭୋକା
ପୁଅ  ସାଥେ ବୋହୂ
ନାତି ନ ରହିଲେ 
କେମିତି ମିଳିବ ଶିକ୍ଷା??? 

ବେଶୀ ପଢେଇଲେ 
ପୁଅ ଉଡିଯାଏ
କଅମରେ ଲୋକଲଜ୍ଜା
ପାଖେ ରହି ପୁଅ
ଯଦି ନ ବୁଝିଲା
ମିଳି ଥାଏ ବଡ ସଜ୍ଜା 

ଚରଣ ଫାଟୁଆ
ବଳଦ ମଠୂଆ
ଘୋଡାମୁହାଁ ପରି ହୁଏ 
ଭାରିଜା ବୁଦ୍ଧିରେ
ମାଆ ବାପାଙ୍କୁ ସେ
ବହୁ ଦୁଃଖ ଦେଇଥାଏ। 

ତୁମେ ବାପା ମାଆ
ଭବିଷ୍ୟତ କଥା
ଆଜି ଠାରୁ ଚିନ୍ତା କର
କର୍ତ୍ତବ୍ୟ ତୁମର
କରୁଥାଅତୁମେ
ଫଳେ ନାହିଁ ଅଧିକାର। 
****************
ଅକ୍ଷୟ ମହାନ୍ତି। ନିର୍ମାଲ୍ଯ 

No comments:

Post a Comment

Disclaimer

For all support related issues or to reach our team, Please check below details.
Ph. +91 8668656155 | contact@spreadhappiness.co.in | Link : https://www.facebook.com/spreadhpy