ଅରୁଣ କୁମାର ମହାପାତ୍ର
ସଂସ୍କୃତି ଆଉ ପରମ୍ପରା ଯାର
ଜନ ରକ୍ତେ ପ୍ରବାହିତ
ଗରବ ଗୌରବରେ ମଣ୍ଡିତ ଏହି
ଆମରି ଦେଶ ଭାରତ।
ଅତିଥିଙ୍କୁ ଦେବ ତୁଲ୍ୟ ମଣି ଯହିଁ
କରିଥାନ୍ତି ମଥା ନତ
ସେହି ଭୂମି ପରା ସରଗଠୁ ବଡ଼
ପୁଣ୍ୟ ଭୂମି ଏ ଭାରତ।
ଶତ ଶତ ଭାଷା ଅନେକ ବିଭେଦ
ତଥାପି ଯେ ଏକ ହସ୍ତ
ଭେଦ ଭାବ ଭୁଲି ଭାତୃଭାବ ନେଇ
ଗଢା ସମଗ୍ର ଭାରତ।
ଗଣତନ୍ତ୍ର ରାଷ୍ଟ୍ର ରାଷ୍ଟ୍ରୀୟ ସଙ୍ଗୀତ
ଦେଶ ପାଇଁ ସମର୍ପିତ
ସାର୍ବଭୌମତ୍ୱକୁ ପ୍ରାଧାନ୍ୟ ଦେଇଛି
ଏହି ମୋ ଦେଶ ଭାରତ।
ବୈବାହିକ ପ୍ରଥା ଆଜି ବି ସମ୍ପନ୍ନ
ବୈଦିକ ରୀତି ସହିତ
ସାବିତ୍ରୀ ଅହଲ୍ୟା ଆଦର୍ଶ ଏଠାରେ
ପୁଣ୍ୟଭୂମି ମୋ ଭାରତ।
ଗଙ୍ଗା ଗୋଦାବରୀ ଚରଣ ପଖାଳେ
ହିମାଳୟ ପ୍ରସାରିତ
ଶିରକୁ ମଣ୍ଡିଛି ଶୋଭା ବଢ଼ାଉଛି
ସୁରକ୍ଷିତ ମୋ ଭାରତ।
ଜିବେଦୟା ଭାବ କରନ୍ତି ପୋଷଣ
ଦେଖୁଛି ସାରା ଜଗତ
ଗୋମାତାର ପୂଜା ଭକ୍ତି ନୈବେଦ୍ୟରେ
ଶ୍ରେଷ୍ଠ ଏ ମାଟି ଭାରତ।
No comments:
Post a Comment