ନିର୍ବାକ

:                ନିର୍ବାକ              :

-----------------------------------

                ସନ୍ତୋଷ କୁମାର ସାହୁ

କିଏସେ କହୁଛି, କି ବାର୍ତ୍ତା ଦେଉଛି

କାହା ମନକଥା କିଏ ଜାଣେ

ଆଜିକାଲି ପରା ସବୁ ଦେଢ଼ ହାତ

ଅପରକୁ ହୀନ ମଣେ l

ଉପଦେଶ ଚାଲେ ଆପଣା ବାଟରେ

ନିଜ ମନେ ଷୋଳ ପଣ

ଯେତେ ପରକାର ପ୍ରବଚନ ଶୁଣି

ଭାଙ୍ଗେ ନାହିଁ ଟାଣ ପଣ l

ଆପଣା ହିତରେ କଥା କହେ ଜନ

ଲୁଚିଥାଏ ନିଜ କପଟୀ ସ୍ବାର୍ଥ

ପରହିତ କଥା ଆକାଶ କଇଁଆ

ଚେଷ୍ଟା ଯାଏ ସବୁ ନିର୍ମୂଳ ବ୍ୟର୍ଥ l

ଅର୍ଥକୁ ଅନର୍ଥ ଗଢି ତୋଳି ଥାଏ

ବେଳ ଉଣ୍ଡି କରେ ଗୋଳ

ପ୍ରତିଟି କଥାକୁ ବିଚାରି ବଢିବ

ବିଷ ଚରେ ହଳାହଳ l

ଏମିତି ବି ଲୋକ ଦୁନିଆ ଭିତରେ

କରନ୍ତି ସବୁଠି ଚଳ ପ୍ରଚଳ

ଦେଖି ଚାହିଁ ବାଟ ଚାଲିବାକୁ ହେବ

ମନରୁ ନହେଲେ ଖସିବ ବଳ l

ସଂସାର ଭିତରେ ଘର ତ କରିଛ

କି ହେବ ମନରେ ଆସିଲେ ଦକ

ବହୁରୂପୀ ଏଣ୍ଡୁଅ ପରି ଏ ମଣିଷ

ଭାବିଲେ ସାଜିବ ବନ୍ଧୁ ନିର୍ବାକ l

-------------------------------------

ଚିର୍ମା, ନବରଙ୍ଗପୁର