ସ୍ୱାଧୀନତା ଦିବସ

ବରଷକେ ଥରେ ଆସିଛି ଆଜି ଅଗଷ୍ଟ ମାସ

ସେ ମାସ ପନ୍ଦର ତାରିଖ ସ୍ବାଧୀନତା ଦିବସ

ଆଜିର ଦିନରେ ଉଣେଇସିଶ ଶତ ଚାଳିଶ

ବିଦେଶୀ ହାତରୁ ଶାସନ ମୁକ୍ତ ଆମରି ଦେଶ

ଆମ ଦେଶ ଛାଡି ପଳେଇ ଗଲେ ଫିରିଙ୍ଗି ଦଳ

ଜାଣିଲେ ଆମରି ସୁଦୃଢ଼ ଅଟେ ଅହିଂସା ବଳ

ଗାନ୍ଧୀ ଗୋପବନ୍ଧୁ ନେହେରୁ ଭଳି ଅନେକ ବ୍ୟକ୍ତି

ନିଜ ଭାଷଣରେ ବଢାଇ ଥିଲେ ଏକତା ଶକ୍ତି

ସେଲୁଲାର ଜେଲ ଆଜିବି ଗାଏ ସେ ବୀର ଗାଥା

କେତେ ବୀର ହେଲେ ଶହୀଦ ନଇଁ ନଥିଲା ମଥା

ଅଗଷ୍ଟ ବିପ୍ଳବ କାହାଣୀ ଲୋମ ହର୍ଷଣକାରୀ

ଜାଲିୱାନାବାଗ ଘଟଣା କିବା ଯିବା ପାସୋରି

ବାପୁଜୀଙ୍କର ଲବଣ ସତ୍ୟାଗ୍ରହ ଆନ୍ଦୋଳନ

ବିଦେଶୀ ହଟାଅ ଡାକରା ହୋଇଲା ପ୍ରକଂପନ

ଆମରି ଏକତା ସମ୍ମୁଖେ ହାରିଲା ବାହ୍ୟବଳ

ଆମରି ହାତକୁ ଆସିଲା ଆମ ଶାସନ କଳ

ଆମରି ଜାତିର ଗୌରବ ଗର୍ବ  ତ୍ରିରଙ୍ଗା ଆମ

ଉଡ଼ିଲା ଆକାଶେ ପବନେ ମୁକ୍ତ ବିହଙ୍ଗ ସମ

ଗାଇଲେ ଜାତୀୟ ସଙ୍ଗୀତ ସର୍ବେ ମିଳିତ ସ୍ୱରେ

ସ୍ୱାଧୀନତା ଦିବସ ପାଳି ମହା ଆନନ୍ଦ ଭରେ।

।। ସ୍ୱାଧୀନତା ଦିବସର ଶୁଭେଚ୍ଛା।।

ଅରୁଣ କୁମାର ମହାପାତ୍ର