**ମଦ୍ ଆର୍ ମୁନୁଷ୍**
ମୁହୁରିଆ ବଲ୍ ଛେ ଗୁହୁରିଆ କେ
କାଣା ହେଲା ଗା ଭେଇ
ଜହ ହର୍ ବର୍ ହେଉଛୁ
କେନ୍ କେ ଯଉଛୁ ତୁଇ
ଗୁହୁଁରିଆ କହୁ ଛେ କଥାର ସୁରେ
ସୋର୍ ନେ ପେବାର୍ ତୁଇ
ଭାଟି ବନ୍ ଲା ନଳିଆ ତଳେ
ମଦ୍ ଘିନି ଗଳି ମୁଇଁ
କଥା ଶୁନି କରି କହେଲା ମୁହୁଁରିଆ
ଅଟ୍ କ ଟିକେ ଭେଇ
କଥା ପଦେ କହୁଛେ ମୁଇଁ
ଶୁନ୍ ମନ୍ ତନ୍ ଦେଇ
ଭାଟି ହେଲା ବଳି ମଦ୍ ଘିନି ଗଳୁ
ଘରେ ଅଢିଆ ନେଇ
ପଏସା ଦେଇ ମହରା ଘିନୁଛୁ
ଭଳ୍ କଥା କେଁ ଭେଇ
ଲୋକ୍ କର୍ ତୁଇ ଭୁତି କରୁଛୁ
ଖରା ବର୍ ଷା ସହି
ଦୁଇଶ କମାଳେ ଡେଢ୍ ଶ ଉଡାଲୁ
ମଦ୍ ପିମି ବଳି ତୁଇ
କେତେ ଦୁର୍ ଇଟା ଭଲ୍ ଏ
ମନ୍ ଭିତର ରେ ଭାବ୍
ସବୁ ଆଡ଼୍ କେ ବୁଝି ବିଚାରି
କରମ୍ କରି ଚାଳ୍
ମୁନୁଷ୍ ଜନମ୍ ପେଇଛୁ ଗା
ଭଳ୍ କରମ୍ କର୍ ତୁଇ
ମରି ଗଳେ ଭି ତୁଇ ଯେନ୍ ତା
ରହେବୁ ଅମର୍ ହେଇ
ରହେବୁ ଅମର୍ ହେଇ .….!!
*******************
ମୁନା ଭୋଇ
ଏମ୍ ଶ୍ରୀଗିଡି,ବରଗଡ
No comments:
Post a Comment