Sunday, August 29, 2021

ଜୀବନ ଯନ୍ତ୍ରଣା

  ପ୍ରଶାନ୍ତ କୁମାର ନାଥ

ଜୀବନ ଯନ୍ତ୍ରଣା ପ୍ରତିଟି ମୁହୂର୍ତ୍ତ
    ମଣିଷ ବଞ୍ଚିବା ଯାଏ
ହେଉ ଅବା ସୁଖେ ହେଉ ଅବା ଦୁଃଖେ
   ଲୁହ ଟୋପେ ଝରି ଯାଏ। 

ପାରେ ନାହିଁ ରଖି ସେ ଅଶ୍ରୃକୁ ଧରି
   ଆଖି ତା କଜ୍ଜୋଳ ଧାରେ
ଧାରା ଶ୍ରାବଣଟା ବରଷିଣ ଗଲେ
   ଆକାଶ ନିର୍ମଳ ଦିଶେ। 

ସଂସାର କ୍ଷେତ୍ରରେ ନିତି ପ୍ରତି ଯୁଦ୍ଧ
    ଜୀବନ ସଂଗ୍ରାମ ମଧ୍ୟେ
ବଞ୍ଚିବାକୁ ହେବ ସଂସାର ବକ୍ଷରେ
   ହସ କାନ୍ଦ ଲୁହ ମଧ୍ୟେ। 

ମାନେନାହିଁ  ମନ ଗୁମୁରି କାନ୍ଦଇ
   ହୃଦୟେ ବେଦନା ଭରି
ଏମିତି ସମୟ ଆଣି ଦିଏ ଦୁଃଖ
   ଜୀବନେ ଯନ୍ତ୍ରଣା ଭରି। 

ସବୁ ଜାଣି ଶୁଣି କେମିତି ସହିବ
   ରକ୍ତ ମାଂସ ଦେହ ଧରି
ମଣିଷ ଜୀବନେ ଏତେ ଦୁଃଖ ଅଛି
   ବଞ୍ଚିବାକୁ ଆଶା କରି।।

ପ୍ରଶାନ୍ତ କୁମାର ନାଥ ଜୁଣଗଡି
 (ରାଜନଗର) କେନ୍ଦ୍ରାପଡ଼ା।

No comments:

Post a Comment

Disclaimer

For all support related issues or to reach our team, Please check below details.
Ph. +91 8668656155 | contact@spreadhappiness.co.in | Link : https://www.facebook.com/spreadhpy