ସ୍ବାଧୀନ ଦେଶର
ନାଗରିକ ଆମେ
ଭାରତ ଆମର ମାଆ
ତା' ଜଳ ଅନଳ
ମାଟି ପବନରେ
ଗଢା ଏ ଆମର କାୟା।
କେତେ ଶହୀଦଂକ
ବଳି ଦାନ ପରେ
ମିଳି ଅଛି ସ୍ବାଧୀନତା
ହକ୍ କଥା ଯଦି
କହି ନ ପାରିବା
ହରାଇବା ମହାନତା।
ବଡ ଲୋକମାନେ
ଅପରାଧ କରି
ତଳକୁ ଦିଅନ୍ତି ଠେଲି
ତାଂକ ଦୋଷଗୁଡା
ଲୁଚି ଯାଇଥାଏ
ବଡ ଲୋକ ସିଏ ବୋଲି।
ପ୍ରତିବାଦ ସ୍ବର
ଉଠାଇବା ଆମେ
କାହିଁ ମୁଣ୍ଡାଇବା ଦୋଷ?
ଦୋଷୀଂକର ଆମେ
ମୁଖା ଖୋଲି ଦେବା
ମନୁ ତେଜି ଅବଶୋଷ।
ସ୍ବାଧୀନତା କେବେ
ହରାଇବା ନାହିଁ
ଲଢିବା ଅନ୍ଯାୟ ସାଥେ
ଶାସନ ଡୋରିକୁ
ଦେବା ନାହିଁ ଆମେ
ଅଯୋଗ୍ୟ ଲୋକଂକ ହାତେ।
*********************
ଅକ୍ଷୟ ମହାନ୍ତି। ନିର୍ମାଲ୍ଯ
No comments:
Post a Comment