କନ୍ୟାରତ୍ନ

#କନ୍ୟାରତ୍ନ....💃👩‍✈️

✍️🅰️💲🆗

ଚିରା ଧୋତି ଆଉ ଫଟା ପାଇଜାମା ପିନ୍ଧିଥିବା ଜଣେ ବ୍ୟକ୍ତି ନିଜର ୧୫-୧୬ ବର୍ଷର ଝିଅ ସହିତ ଏକ ବଡ ହୋଟେଲରେ ପହଞ୍ଚିଲେ । ସେ ଦୁଇଜଣଙ୍କୁ ଚେୟାରରେ ବସିଥିବାର ଦେଖି ଜଣେ ୱେଟର ତାଙ୍କ ଟେବୁଲ ରେ ଦୁଇଗ୍ଲାସ ଥଣ୍ଡା ପାଣି ରଖିଦେଇ ପଚାରିଲା - ଆପଣଙ୍କ ପାଇଁ କଣ ଆଣିବି ?

ସେ ବ୍ୟକ୍ତି ଜଣଙ୍କ କହିଲା -"ମୁଁ ମୋ ଝିଅକୁ କଥା ଦେଇଥିଲି ଯେ ଯଦି ତୁ ଦଶମ ଶ୍ରେଣୀ ରେ ଆମ ଜିଲ୍ଲାର ପ୍ରଥମ ହେବୁ ତ ମୁଁ ତୋତେ ସହର ର ସବୁଠାରୁ ବଡ଼ ହୋଟେଲରେ ଏକ ଦୋଷା ଖାଇବାକୁ ଦେବି । ଇଏ ମୋ କଥାରଖି ଜିଲ୍ଲାରେ ପ୍ରଥମ ହୋଇଛି । ଦୟାକରି ତାପାଇଁ ଗୋଟିଏ ଦୋଷା ନେଇଆସ ।"

ୱେଟର ପଚାରିଲା -ଆପଣଙ୍କ ପାଇଁ କଣ ଆଣିବି ?

ସେ କହିଲା -" ମୋ ପାଖରେ ଗୋଟିଏ ଦୋଷା ପାଇଁ ପଇସା ଅଛି"

ଏସବୁ କଥା ଶୁଣି ସାରିବା ପରେ ୱେଟର ମାଲିକ ପାଖକୁ ଗଲା ଆଉ ସବୁ କାହାଣୀ ମାଲିକଙ୍କ ଆଗରେ ରଖି  କହିଲା - "ମୁଁ ଏ ଦୁଇଜଣ ଙ୍କୁ ପେଟପୁରା ଖାଇବାକୁ ଦେବାପାଇଁ ଚାହୁଁଛି, ମୋ ପାଖରେ ଏବେ ପଇସା ନାହିଁ, ଆପଣ ସେଥିପାଇଁ ଏମାନଙ୍କ ବିଲ୍ ର ସମସ୍ତ ଖର୍ଚ୍ଚ ମୋ ସାଲେରୀରୁ କାଟିଦେବେ ।"

ମାଲିକ କହିଲା- "ଆଜି ମୁଁ ହୋଟେଲ ତରଫରୁ ଏହି ଟ୍ୟାଲେଣ୍ଟ ଝିଅର ସଫଳତା ପାଇଁ ପାର୍ଟି ଦେବି।"

ହୋଟେଲବାଲା ଏକ ଟେବୁଲ କୁ ଭଲଭାବରେ ସଜାଇଦେଲା ଆଉ ବହୁତ ସୁନ୍ଦର ଭାବରେ ସମସ୍ତ ଉପସ୍ଥିତ ଗ୍ରାହକଙ୍କ ସହିତ ଏହି ଗରିବ ଝିଅର ସଫଳତା ପାଇଁ ଉତ୍ସବ ପାଳନ କଲା । ମାଲିକ ଏକ ବଡ ପ୍ୟାକେଟରେ ଆଉ ତିନୋଟି ଦୋଷା ଓ ତାଙ୍କ କଲୋନୀ ରେ ବାଣ୍ଟିବା ପାଇଁ ମିଠାଇ ଉପହାର ସ୍ବରୂପ ପ୍ୟାକ୍ କରିଦେଲା । ଏତେ ସମ୍ମାନ ପାଇ ଆଖିରେ ଆନନ୍ଦାଶ୍ରୁ ଗଡାଇ ଦୁହେଁ ନିଜ ଘରକୁ ଚାଲିଗଲେ ।

ସମୟ ଚକ୍ର ଗଡିଚାଲିଲା...

ଆଉ ଦିନେ ସେହି ଝିଅ I.A.S.ପରୀକ୍ଷା ପାସ କରି ସେହି ସହର ରେ କଲେକ୍ଟର ରୂପେ ଜଏନ କଲା । ସେ ସର୍ବପ୍ରଥମେ ସେହି ହୋଟେଲକୁ ଜଣେ କନେଷ୍ଟବଳ ପଠାଇ କହିଦେଲେ ଯେ କଲେକ୍ଟର ସାହିବା  ଜଳପାନ କରିବା ପାଇଁ ଆସୁଛନ୍ତି । ହୋଟେଲ ମାଲିକ ତୁରନ୍ତ ଏହି ଖବର ପାଇ ହୋଟେଲ କୁ ସଜାଇଦେଲା ଆଉ ଗ୍ରାହକଙ୍କ ଭିଡ ବି ଲାଗିଗଲା ।

କଲେକ୍ଟର ରୂପେ ସେହି ଝିଅ ହୋଟେଲକୁ ହସିହସି ନିଜର ବାପା ମାଆଙ୍କ ସହିତ ପହଞ୍ଚିଗଲେ । ସମସ୍ତେ ତାଙ୍କୁ ସମ୍ମାନ ଦେବାପାଇଁ ଛିଡାହୋଇଗଲେ । ହୋଟେଲ ମାଲିକ ତାଙ୍କୁ ଫୁଲତୋଡା ଦେଇ ସ୍ବାଗତ କଲା ଆଉ ଅର୍ଡର କରିବା ପାଇଁ ନିବେଦନ କଲା । ସେହି ଝିଅଟି ଛିଡାହୋଇ ହୋଟେଲ ମାଲିକ ଆଉ ସେହି ୱେଟର ଆଗରେ ନତମସ୍ତକ ହୋଇ କହିଲା - "ବୋଧହୁଏ ଆପଣ ଦୁଇଜଣ ମୋତେ ଚିହ୍ନି ପାରୁନାହାନ୍ତି । ମୁଁ ସେହି ଝିଅ  ଯାହା ବାପାଙ୍କ ପାଖରେ ଆଉ ଗୋଟିଏ ଦୋଷା ପାଇଁ ପଇସା ନଥିଲା ଆଉ ଆପଣ ଦୁଇଜଣ ମାନବତାର ସଚ୍ଚା ଉଦାହରଣ ଦେଖାଇ ମୋ ମ୍ୟାଟ୍ରିକ ପାସ୍ ହେବାର ଖୁସିରେ ଏକ ସୁନ୍ଦର ପାର୍ଟି ଦେଇଥିଲେ । ଆଉ ଆମ ସାହିରେ ବାଣ୍ଟିବା ପାଇଁ ମଧ୍ୟ ବହୁତ ମିଠାଇ ପ୍ୟାକ କରି ଦେଇଥିଲେ । ମୁଁ ଆପଣଙ୍କ ଆଶୀର୍ବାଦ ରୁ ଆଜି କଲେକ୍ଟର ହୋଇଛି । ଆପଣଙ୍କ ପାଖରେ ମୁଁ ସଦା ଋଣୀ ଆଉ ଜୀବନ ସାରା ଏହା ମନେରଖିବି । ଆଜି ଏହି ପାର୍ଟି ମୋ ତରଫରୁ ଆଉ ଉପସ୍ଥିତ ସମସ୍ତ ଗ୍ରାହକ ଏବଂ ସବୁ ହୋଟେଲ ଷ୍ଟାଫ୍ ଙ୍କ ବିଲ ମୁଁ ଦେବି ।

✍️🙏🙏🙏

#ବେଟୀ_ବଚାଓ_ବେଟୀ_ପଢାଅ