ଜଗଦୀଶ ଶତପଥୀ।
ସ୍ୱାଧୀନ ଦେଶର ସନ୍ତାନ ଆମେ
ଗରଵେ କରୁଛୁ ମଥା।
ସତରେ କ'ଣ ସ୍ୱାଧୀନ ଆମେ
ଵଳିପଡେ ଯେତେ ବ୍ୟଥା।
ଚାରିଆଡ଼େ ଚାଲେ ହତ୍ୟା ଲୁଣ୍ଠନ
ବଳିପଡେ କେତେ ପରୀ।
ଆମରି ଶାସନ ଆମେ ତ ଗଢିଛୁ
ଆତଙ୍କିତ ନରନାରୀ।
ଭାଷଣ ବାଜିରେ ଦେଶଟା ଚାଲିଛି
ଅପାଠୁଆ ହୁଏ ଡାକ୍ତର।
ପେଟରେ କତୁରୀ ଛାଡ଼ିଦେଇ ଆମେ
ବୋଲାଉ ବଡ ହଣ୍ଟର।
ପାଠୁଆ ପୁଅଟା ଦାଦନ କୁ ଯାଏ
ପାଏ ନାହିଁ କାମଧନ୍ଦା।
ଧଳା ପୋଷାକ ଟା ଦେହରେ ଗଳାଇ
କରୁଅଛୁ କେତେ ଫନ୍ଦା।
ହେ ଏ ଜାତିର ଉଲଗ୍ନ ଫକୀର
ଏହି କ'ଣ ସ୍ୱାଧୀନତା।
ଚାଉଳ ଟଙ୍କାଏ,ଲୁଣ ଦଶଟଙ୍କା
ଗରିବ ପିଟୁଛି ମଥା।
ସ୍ୱାଧୀନ ଦେଶର ସନ୍ତାନ ଆମେ
ମାଗୁଅଛୁ ଆମ ମୂଲ।
ପାରୁନାହିଁ ଯଦି ଦେବାକୁ ଆମକୁ
କରିଦିଅ ସମତୂଲ।
ଧର୍ମଶାଳା। ଯାଜପୁର।
No comments:
Post a Comment