ସ୍ଵାଧୀନତା ଦିବସ (ପ୍ରବନ୍ଧ)

ନଳିନୀ ପ୍ରଭା ମିଶ୍ର

The basis of a democratic state is 

liberty.

  ଏକ ଗଣତାନ୍ତ୍ରିକ ରାଷ୍ଟ୍ରର ଭିତ୍ତିଭୁମି

ହେଉଛି ତା'ର ସ୍ଵାଧୀନତା।

ସ୍ଵାଧୀନତା ହେଉଛି ମାନବର ଜନ୍ମ

ଅଧିକାର।ପରାଧୀନତାର ଦୁଃଖ ଠାରୁ ବଳି ଦୁଃଖ ଆଉ ନାହିଁ।

କେବଳ ମଣିଷ କାହିଁକି ପଶୁ ପକ୍ଷୀ 

ଭଳି ଇତର ପ୍ରାଣୀ ମଧ୍ୟ ମୁକ୍ତି ଚାହେଁ।

ଆଜି ଯେତେବେଳେ ଆମେ ଆମ

ସ୍ଵାଧୀନତା ସଂଗ୍ରାମ ର ଇତିହାସ

ପୃଷ୍ଠାକୁ ଉନ୍ମୋଚନ କରୁ ଆମ ଆଖି

ଆଗରେ ନାଚି ଉଠେ ସେ‌ହି ପରାଧୀନତାର କଷଣର ଦୃଶ୍ୟ।

ଦୀର୍ଘ ଦୁଇଶହ ବର୍ଷ ଶାସନ ଅବଧିର

କ୍ରୁର ଅତ୍ୟାଚାର ,ଅମାନୁଷିକତା ର

ଦାଉ ସହିବା ସହିତ ଆମ ଭାରତୀୟ

ମାନେ ସଂଗ୍ରାମୀ ମନୋବୃତ୍ତି ନେଇ

ସ୍ଵାଧୀନତା ହାସଲ କରିବା ଦିଗରେ

ଯେଉଁ ମହାନତା ଦର୍ଶାଇ ଯାଇଛନ୍ତି,

ସେମାନଙ୍କ ତ୍ୟାଗପୂତ ଜୀବନ 

ଆମ ପାଇଁ ଏକ ପ୍ରେରଣାର ଉତ୍ସ

ହୋଇ ରହିଲେ ସ୍ଵାଧୀନତାର

ବାସ୍ତବ ବାର୍ତ୍ତା ଯଥାର୍ଥତା ବହନ କରିବ। ଫାଶୀଦଣ୍ଡ, କାରାଗାର

ଏସବୁ ଥିଲା ଦେଶ ପ୍ରେମର ଉପହାର,ତଥାପି ପଛ ଘୁଂଚା ଦେଇ

ନଥିଲେ ଆମର ବୀର ସୁତ ମାନେ।

ଗାନ୍ଧୀ ଥିଲେ ଅସହଯୋଗ ଆନ୍ଦୋଳନ ର ପୁରୋଧା।ତାଙ୍କ

ଆହ୍ବାନ ରେ କି ! ବୀରତ୍ବ ଥିଲା କେଜାଣି ଆକୁମାରୀ ହିମାଚଳ 

କମ୍ପି ଉଠିଲା।ସମସ୍ତେ‌ଏକଯୁଟ 

ହେଲେ ।ଟଳିଲା ଇଂରାଜୀ ଶାସନ

ଏ ଭିତରେ ପଞ୍ଚସ୍ତରୀ ବର୍ଷ ବିତିଗଲାଣି।ପୀଢ଼ି ପରେ ପୀଢ଼ି 

ଅତିକ୍ରମ କରି ପାଳିତ ହୋଇ

ଆସୁଛି ସ୍ଵାଧୀନତା ଦିବସ।

ଏ ପାଳିତ ହେବା ଭିତରେ କିଏ

କେତେ ହୃଦୟଙ୍ଗମ କରିପାରୁଛି

ସ୍ଵାଧୀନତା ର ଏ ଚିନ୍ତା ଧାରା।

ପିଲାଟି ଏ ମିଷ୍ଟାନ୍ନ ଖାଇବାକୁ ଲାଳାୟିତ ତ! ନାରୀଟିଏ ଚାହୁଁ ଛି

ତା'ର ନିରାପତ୍ତା, ଧର୍ଷଣ ର

ଶିକାର ହୋଇଥିବା ସରଳ ନିଷ୍ପାପ

ମୃତ ପରୀ ଟି ପାଇଁ ତା ବାପା ମା 

ଚାହିଁ ରହିଛନ୍ତି ନ୍ୟାୟ ଆଶାରେ

ଆଖିରୁ ଲୁହ ଗଡ଼ାଇ।ଅଶୀତି ବର୍ଷର

ନିଧି ଜେଜେ ଥରଥର ହାତରେ

ଉର୍ଦ୍ଧ୍ବ ମୁଖୀ ହୋଇ ତ୍ରିରଙ୍ଗା ପତାକାକୁ

ସଲାମ ଜଣାଉଛନ୍ତି।

    ଏ ସବୁ ଦେଖିଲେ ଲାଗୁଛି, ସ୍ଵାଧୀନତା ଆମ ପାଇଁ ନା ସେଇ 

ଜେଜେ ପାଇଁ ନା ଖାଦ୍ୟ ପୁଡିଆ

ସାଉଁଟି ନେଉଥିବା ବୁଭୁକ୍ଷୁ ମାନଙ୍କ

ପାଇଁ।ଆଜି ଆମ ଆଗରେ

ଅନେକ ସମସ୍ୟା ଦଣ୍ଡାୟମାନ।

ହିଂସା, ରକ୍ତପାତ,ନାନା ଅସାମାଜିକ

କାର୍ଯ୍ୟ ର ସଂଘଟିତ ବ୍ୟାପାର।

ଗାନ୍ଧୀ କେବଳ ଛକ ଉପରେ 

ଅଥବା କେଉଁଠି ନା କେଉଁଠି 

ଠିଆ ହୋଇ ସବୁ ଦେଖୁଛନ୍ତି।

ଆଜି ତାଙ୍କ ବେକରେ ଫୁଲମାଳ।

ତ୍ରିରଙ୍ଗା ପତାକା ଝୁଲୁଛି ଉର୍ଦ୍ଧ୍ଵ ମୁଖୀ

ହୋଇ।ତାଙ୍କ ସ୍ଵପ୍ନ ର ରାମ ରାଜ୍ୟ

ସାକାର ହେଲା କି ନାହିଁ ପଚାରିବା

ନିମନ୍ତେ ବାକଶକ୍ତି ହରାଇ ବସିଛନ୍ତି।

ଯଦି କହିବାର ଥାନ୍ତା ଆମକୁ ସାନ୍ତ୍ଵନା

ଦେଇ ଆମର ଦୁଃଖିତ ମନକୁ ହାଲକା କରିଥାନ୍ତେ।ଆମେ ବର୍ତ୍ତମାନ

ପୂରା ସ୍ଵାଧୀନ,ବଳତ୍କାରିତା ଆମର 

ମୁଖ୍ୟ ଅସ୍ତ୍ର।ଯାହା ଇଚ୍ଛା ତାହା କରି

ଯିବା,ଧର୍ମ ଅଧର୍ମ ପ୍ରତି ଭୟ ନାହିଁ।

କାହାରି ପ୍ରତି ଭ୍ରୂକ୍ଷେପ ନାହିଁ।

ଆମେ ସ୍ଵାଧୀନ ଆମେ ସ୍ଵାଧୀନ।

କିନ୍ତୁ ସବୁ କିଛି କରିବା ପୂର୍ବରୁ 

ଆମେ ସବୁ ଦିଗ ପ୍ରତି ଦୃଷ୍ଟି ଦେବା 

ଉଚିତ ‌,ଆମେ ଦେଶର ଦେଶ

ଆମର ।ବୂହତ୍ ଗଣତନ୍ତ୍ର ରାଷ୍ଟ୍ର ର

ମୂଳଦୁଆ ପ୍ରତି ସବୁବେଳେ ସଜାଗ

ରହି ସ୍ଵାଧୀନତାର ପ୍ରକୃତ ମୂଲ୍ୟବୋଧ କୁ ବୁଝି ଦେଶ ଓ ସମାଜର ହିତାର୍ଥେ କାର୍ଯ୍ୟ କରିବା

ପ୍ରତ୍ୟେକ ନାଗରିକ ର କର୍ତ୍ତବ୍ୟ

ଅଧିକାର ହେଉ ଏହା ହିଁ କାମନା।

ମୁକୁନ୍ଦ ପୁର, ଆସ୍କା, ଗଞ୍ଜାମ