ମୃଦୁ ମଳୟ ବସନ୍ତରେ କୋକିଳର କୁହୂତାନ.....
ନିଶବ୍ଦ ନିଶାର୍ଦ୍ଧରେ ବୁକୁଫଟା କୋହମାନ.....
ସ୍ମୃତି...
ରୌପ୍ୟ ଚନ୍ଦ୍ରାଲୋକେ ବିଚ୍ଛୁରିତ ଜୋଛନା.....
ବିରହିତ ବିଦାରିତ ହୃଦୟେ ବିଷର୍ଣ୍ଣ ବେଦନା.....
ସ୍ମୃତି...
କେବେ ରୂପା ଜହ୍ନ କେବେ ପାଉଁଶ ତଳ ନିଆଁ.....
ରୂପା ଶଗଡ଼ିରେ ଲାଜଢ଼ଙ୍କା ନୂତନ କନିଆଁ.....
ସ୍ମୃତି...
ବିବର୍ଜିତ ରଜନୀ ରେ ଅନ୍ତରେ ଅନ୍ତର୍ଲିନ.....
ଉତୁଙ୍ଗ ଅଟ୍ଟାଳିକାର ଅର୍ଥହୀନ ଅଭିମାନ.....
ସ୍ମୃତି...
ମାନସରେ ସ୍ମରିତ ପୁଣି ସ୍ମରଣାତୀତ
କାଳଚକ୍ରରେ କାଳାତୀତ, ଭାବନାରେ ଉଦ୍ ବେଳିତ
ସ୍ମୃତି...
ଏକ ଅଜବ ଉନ୍ମାଦନା... ଆଶରାର ଆଶ୍ଵାସନା
କଥା, କାହାଣୀ ଓ କବିତାର ତ୍ରିବେଣୀରେ ଆନମନା.....
ସ୍ମୃତି...
ଜୀବନ୍ତ ଜୀବନରେ ପରକାଳର ପୁସ୍ତକ.....
ଆଇ ମା'କାହାଣୀର କୁହୁକିନୀର କୁହୁକ.....
ସ୍ମୃତି...
ହାତ ପାହନ୍ତାର ମୁହୁର୍ତ୍ତ ସମୂହ.....
ପଲକ ଝପଟେ ସବୁ ବିଚ୍ଛେଦ ବିରହ.....
ସ୍ମୃତିରେ ଜୀବନ୍ତ ଜୀବନ... ଜୀବନେ ଜୀବନ୍ତ ସ୍ମୃତି.....
ଏକାନ୍ତ ଜୀବନର ସାଥୀଟିଏ..... ବିଷାଦେ ପୀରତି......
ଭବାନୀ ଶଙ୍କର ମହାନ୍ତି
ବେଲଗୁଣ୍ଠା, ଗଞ୍ଜାମ
No comments:
Post a Comment