** ************************
ସାତ ଦିନ ଯୁଦ୍ଧ
ଅତିକ୍ରାନ୍ତ ହେଲା
ନିହତ ହେଲେନି ପାର୍ଥ
ଦୁର୍ଯ୍ୟୋଧନ ବହୁ
ଭର୍ତ୍ସନା କରିଲା
ରୁଷ୍ଟ ହେଲେ ଦେବବ୍ରତ।
ଶପଥ କରିଲେ
"କାଲିର ଯୁଦ୍ଧରେ
ନିହତ ହୋଇବ ପାର୍ଥ
ପାର୍ଥ ନ ମରିଲେ
ଶପଥ କରୁଛି
ଛାଡି ଦେବି ମୁହିଁ ଅସ୍ତ୍ର।"
ଚକ୍ରପାଣି ତହୁଁ
ବକ୍ର କରି ଦେଲେ
ଯାଇଥିଲେ ପାର୍ଥ ପାଶେ
ନିଦ୍ରାରୁ ଉଠାଇ
କହିଲେ ତାହାଂକୁ
"ଭୀଷ୍ମଙ୍କ ଶପଥ ଦିଶେ?"
କହିଲେ ଅର୍ଜୁନ
"କହି ଅଛବୋଲି
କରୁଅଛି ମୁହିଁ ଯୁଦ୍ଧ
ତୁମେ ହିଁ ଜାଣିଛ
ଜୀଇବା ମରିବା
କାହାର ହୋଇବ ବଧ। "
ହସି ଦେଇ କୃଷ୍ଣ
ଦ୍ରୌପଦୀଙ୍କୁ ନେଇ
ଭୀଷ୍ମଙ୍କ ପାଖକୁ ଗଲେ
ଦ୍ରୌପଦୀଙ୍କୁ ସିଏ
ଶିବିରେ ପଠାଇ
ବାଟରେ ସେ ରହିଗଲେ।
ନିଶାର୍ଦ୍ଧେ ଦ୍ରୌପଦୀ
ଭୀଷ୍ମଙ୍କୁ ଭକ୍ତିରେ
କରିଥିଲେ ପ୍ରଣିପାତ
" ସଉଭାଗ୍ଯବତୀ
ହୁଅ ଯାଜ୍ଞସେନୀ"
କହିଥିଲେ ଦେବ ବ୍ରତ।
ବିବେକ ତାହାଙ୍କୁ
ଦଂଶନ କରିଲା
ପ୍ରୟୋଗ କଲେନି ଅସ୍ତ୍ର
ଶରଶଯ୍ୟା ସିଏ
ବରି ନେଇ ଥିଲେ
ଶସ୍ତ୍ରବିଦ୍ଧ କଲେ ପାର୍ଥ।
******************
ଅକ୍ଷୟ ମହାନ୍ତି। ନିର୍ମାଲ୍ଯ
No comments:
Post a Comment