ସ୍ୱାଧୀନ ଭାରତ

~~~~~~~~~~~~~~~~~

ପରାଧିନତାର            ଶୃଙ୍ଖଳ ଛିଣ୍ଡାଇ

       ଆମେ ସ୍ୱାଧୀନ ହୋଇଲେ

ଗୋରା ସାହେବଙ୍କ         କଷଣେ ଶୋଷଣେ

       କେତେଯେ କଷ୍ଟ ପାଇଲେ  ||1||

ବଣିକ ଜାତିର         ଚାତୁରୀ ପଣରେ

      କିଛି ଚାଟୁକାର ଥିଲେ 

ନିଜ ଗୋଡ଼େ ନିଜ      କୁରାଢ଼ୀ କୁ ମାରି

      ପରାଧୀନ ଆମେ ହେଲେ ||2||

ଅନେକ ଯାତନା          ନିର୍ଯାତନା ସହି

        ଦୁଃଖ କଷ୍ଟ ବରି ଥିଲେ

ଭକୁଆ ବନାଇ            ଆମ ଧନ ରତ୍ନ

          ଅନେକ ବୋହିସେ ନେଲେ ||3||

ଗାନ୍ଧୀ ବକ୍ସି ମୋତି       ପଟେଲ ସୁବାଷ

         କେତେ ବୀର ଜନମିଲେ  

ସ୍ୱାଧୀନତା ପାଇଁ         ଲଢ଼ି ଥିଲେ ସେଯେ

          କେତେଯେ ସହିଦ ହେଲେ ||4||

ସ୍ୱାର୍ଥ ତ୍ୟାଗ କରି        ଆତ୍ମୋତ୍ସର୍ଗ  କରି 

         ଆଗକୁ ବାହାରି ଥିଲେ

ତାଙ୍କ ବଳିଦାନେ        ଅହିଂସା ମନ୍ତ୍ରରେ

          ସ୍ୱାଧୀନତା ଆଣି ଦେଲେ ||5||

ହେ ବୀର ମହାନ        ସୁଯୋଗ୍ୟ ସନ୍ତାନ

         ଫେରିଆସ ଆଉଥରେ

ଦେଇ ଥିବା ତୁମ        ସ୍ୱାଧୀନତା ରୂପ

         ପରଖି ନିଅ ଏଠାରେ ||6||

ରାମରାଜ୍ୟ ଆଜି         ସ୍ବପ୍ନ ହୋଇଅଛି

          ବାଡତ ଫସଲ ଖାଏ

ଅନ୍ୟାୟ ଅନୀତି           ଦୁର୍ନୀତିର ଗତି

            ପ୍ରଖର ବେଗରେ ଧାଏଁ ||7||

ଆହେ ଜନ ଗଣ        ହୋଇବା ସଜାଗ

          ସଭିଏଁ ଶପଥ ନେଇ

ସ୍ୱାଧୀନତା ଆମ         ବଞ୍ଚାଇ ରଖିବା

        ମନ ପ୍ରାଣ ଆମ ଦେଇ ||8||

~~~~~~~~~~~~~~~~~~~~

ରତିନାରାୟଣ ରାଉତ (ପ୍ର. ଶି.)

ହରିଚନ୍ଦନପୁର, କେନ୍ଦୁଝର, ଓଡିଶା

~~~~~~~~~~~~~~~~~~~~