ପ୍ରୀତି

*****

ନିର୍ମଳ ନାୟକ

ଅ ଣୁ ଗ ଳ୍ପ

**********

                       ଶ୍ରେଣୀରେ ପିଲାମାନେ ବିଶୃଙ୍ଖଳିତ  ଥିଲେ ସପ୍ତମ ଶ୍ରେଣୀ ର ମଧ୍ୟାହ୍ନ ବିରତି ପର ପିରିୟଡ଼,ନୂଆ ଶିକ୍ଷୟତ୍ରୀ

ପ୍ରବେଶ କଲେ, ପିଲାମାନେ ଚୁପ ହୋଇ ଯାଇଥିଲେ, ମାଡାମ

କହିଲେ ମୁଁ ତୁମକୁ ସାହିତ୍ୟ ଓ ଗଳ୍ପମାଳା ପଢାଇବି!! ତୁମ୍ଭ ମାନଙ୍କ

ପରିଚୟ  ଦିଅ, ଜଣ ଙ୍କ ପରେ ନିଜ ପରିଚୟ ପ୍ରଦାନ କଲେ, ଶେଷରେ ନିଜ ପରିଚୟ ପ୍ରଦାନ କରିଥିଲେ !! ମାଡାମ ଗୋଟିଏ

ଭଲ ଗପ କୁହନ୍ତୁ !! ହଉ ଠିକ ଅଛି ତେବେ ଶୁଣ ପିଲାମାନେ, ଗୋଟିଏ ଗରିବ ଝିଅ ର ଦୁଃଖ ଭରି କାହାଣୀ 

*****       *******      ********      *********** 

                 ଦୀର୍ଘ ତେତିଶ ବର୍ଷ ତଳର  କାହାଣୀ....... 

ଧାଇ ମା ଧଇଁ ସଇଁ ହୋଇ ଆସି କହିଲା  ଆରେ ଶୁଣୁଛୁ ମକରା ଏଥର ବି ଝିଅ ଟିଏ ଜନ୍ମ ହୋଇଛି, ତୋ ଘରକୁ ଲକ୍ଷ୍ମୀ ଆସିଛି !!    - ମୋ ଭାଗ୍ୟ ଖରାପ ଗୋଟିଏ ପରେ ଗୋଟିଏ ଚାରି ଚାରିଟି ଝିଅ

ଠାକୁର ଙ୍କ କଣ ବରାଦ ଜାଣେନା!! ପୁଅ ହେବ କି ନାହିଁ ତାଙ୍କ ଇଚ୍ଛା !! ଅତି ମନଦୁଃଖ ରେ କରୁଣା ଚାହାଣୀ ଆକାଶ ଆଡକୁ 

ପୁଅ ଅପେକ୍ଷାରେ ମକରା ପ୍ରତି ଝିଅଙ୍କୁ ପ୍ରସବ ପରେ ଘନ ଘୋର

ଅନ୍ଧାରରେ  ଗାଁ ମୁଣ୍ଡ ଛକ ରେ ଚାଙ୍ଗୁଡ଼ି ରେ ଭରି  ଛାଡି ଦେଇ ଆସେ, ପର ଦିନ ସକାଳେ  କେହିନା  କେହି ସେ ପିଲାଟିକୁ ନେଇ ଯାଆନ୍ତି, ଚତୁର୍ଥ କନ୍ୟା କୁ ମଧ୍ୟ  ପୂର୍ବ ଭଳି ରାତିରେ ଛକ ରେ ଛାଡି ଦେଇ ଆସିଲା, ପିଲାଟି ପ୍ରାଣ ବିକଳ ରେ କାନ୍ଦୁଥାଏ  ପରନ୍ତୁ କେହି

ନେଇ ନଥିଲେ, ତା ପରଦିନ ପୁଣି ରାତିରେ ଛକ ରେ ଛାଡି ଆସିଲା

ତଥାପି  କେହି ନେଲେନି, ଏଣୁ ବାଧ୍ୟ ହୋଇ ଘରେ  ରଖିଲା !! 

             ଭଗବାନ  ତା ଗୁହାରି ଏ ଥର ଶୁଣିଲେ, ସୁମା ଗର୍ଭରୁ  ପୁତ୍ର ସନ୍ତାନ ଜାତ ହେଲା, ଖୁସିରେ ମିଠେଇ ବଣ୍ଟାହେଲା, କ୍ରମରେ

ଆଉ ଗୋଟିଏ ପୁତ୍ର ଲାଭ ହେଲା, ସମାଜରେ ଏ ପାତର ଅନ୍ତର ଭାବ  ସତରେ  ଏକ ଅଭିଶାପ!! ସନ୍ତାନ ସନ୍ତତି ଦୁହେଁ ସମାନ !!

ଧୀରେ ଧୀରେ ପିଲାମାନେ ବଡ଼ ହେବାକୁ ଲାଗିଲେ, ଝିଅ ପ୍ରୀତି

ପୁଅ ପରେଶ ଓ ପ୍ରମୋଦ ସାଥିରେ ଗାଁ ସ୍କୁଲ ରେ ନାମ ଲେଖିଲେ,

ପ୍ରୀତି ର ଛୋଟ ଭାଇ ମାନଙ୍କୁ ସ୍ନେହ ଓ ପିତା ମାତାଙ୍କୁ ଭକ୍ତି କରୁଥାଏ, ଶ୍ରେଣୀରେ ଭଲ  ପଢୁଥିଲା, ଭାଇ ମାନଙ୍କ ର ଉଚ୍ଚ ଶିକ୍ଷା

ନିମିତ୍ତ ନିଜ ଶିକ୍ଷା କୁ ସ୍ଥଗିତ କରିକକୁ ପଡିଲା, କାରଣ ଘରର ଆର୍ଥିକ ପରିସ୍ଥିତି ସ୍ୱସ୍ଥଳ  ନ ଥିଲା !! ଗତ ବର୍ଷ ତୋଫାନ ରେ ମା

ପିଲା ମାନଂକୁ ବଞ୍ଚl ଇ ବାକୁ ଯାଇ ନିଜ ପ୍ରାଣ ତ୍ୟାଗ କରିଥିଲେ,

ଘରର ସବୁ ଭଲମନ୍ଦ କାମ ପ୍ରୀତି ର କାନ୍ଧରେ !! ଭାଇ ମାନଙ୍କୁ

ଦେଖିବା, ବାପାଙ୍କ ସେବା କରିବା  ହିଁ ତାର ପ୍ରଥମ  ଓ ପରମ

କର୍ତ୍ତବ୍ୟ ଥିଲା !! ମଝିରେ  ସମୟ ବାହାର କରି ଘରୋଇ ଭାବେ

ସ୍ନାତକ ଓ ପରବର୍ତ୍ତୀ ବର୍ଷ ସ୍ନାତକତ୍ତର ପାସ କରିଥିଲା!! ଭାଇ ମାନେ ବିଦେଶ ରେ ବିବାହ କରି  ଗାଁ ମାଟି ମାଡିବା ଭୁଲିଗଲେ 

        ଇତିମଧ୍ୟରେ ପ୍ରୀତି ଗାଁ ମଧ୍ୟଇଂରାଜୀ ବିଦ୍ୟାଳୟ ରେ ଚାକିରୀ  ପାଇଥିଲେ, କାର୍ଯ୍ୟ ବ୍ୟସ୍ତତା ମଧ୍ୟରେ ନିଜର ବୟସ

ପ୍ରତି ନଜର ନ ଥିଲା ପ୍ରୀତିର!! ପରିଣୟ ର ପରିଣତ ସମୟ

ଡେଣା ମେଲେଇ ଉଡି ଯାଇଥିଲା ବହୁ ଦୁରକୁ!!ଏବେ ବାପା ଙ୍କ

ସେବା ଓ ସ୍କୁଲ ମାତ୍ର ଦୁଇଟି କାର୍ଯ୍ୟ କରିବାରେ ଥିଲା!! 

     ଶ୍ରେଣୀରେ ପିଲାମାନଙ୍କ ର ଆଦର୍ଶ ଶିକ୍ଷୟତ୍ରୀ ଥିଲେ, ଏପରି

କୁଶଳା ଶିକ୍ଷୟତ୍ରୀ ପାଇ ଗାଁ ସ୍କୁଲ ଗର୍ବିତ ଅନୁଭବ କରୁଥିଲା !!

ଗାଁ ବାଳିକା ମାନଙ୍କୁ ପଢାଇବାକୁ ପ୍ରବର୍ତ୍ତାଉଥିଲେ, ଅତିରିକ୍ତ କ୍ଲାସ ନେଇ ପିଲାମାନଙ୍କୁ ଉତ୍ତମ ରୂପେ ପରୀକ୍ଷା ପାଇଁ ପ୍ରସ୍ତୁତି କରାଉଥିଲେଘରେ  ଭାଇ ମାନେ ହତାଦର କରିଲେ ମଧ୍ୟ  ଝିଅ ଟିଏ ହୋଇଘର ଓ ବାହାର ର ଖିଆଲ ରଖିଥିଲା, ମକରା ଛାତି କୁଣ୍ଢେ ମୋଟଯୋଉ ଝିଅ କୁ ବାର ବାର ଗାଁ ଛକ ରେ ଛାଡି ଆସୁଥିଲା, ସେହି ଝିଅ  ନିଜ ଖୁସି କୁ ଜଳାଞ୍ଜଳି ଦେଇ ବାପା ଙ୍କ ସେବାରେ ଉତ୍ସର୍ଗୀକୃତ କରିଥିଲା!! ପ୍ରୀତି ର ସମାଜ ପ୍ରୀତି, ପିତୃ ଭକ୍ତି ଅତୁଳନୀୟ!! ମକରା ଖୁସିରେ କହୁଥିଲା ମୋ ଝିଅ  ପୁଅ ଙ୍କ ଠୁ କମ ନୁହେଁ ବୁଝିଲ!! 

********          *********          ********** 

            ଶ୍ରେଣୀର   ସମସ୍ତ ପିଲା ନୀରବତା ର ସହିତ  ଗପ

ଶୁଣୁଥିଲେ, ଜଣେ ପିଲା ପ୍ରଶ୍ନ କରିଥିଲା ମାଡାମ ସେ ଝିଅ ଜଣଙ୍କ

କିଏ? ଉତ୍ତର ରେ ସେ ଝିଅ ପ୍ରୀତି ଜଣଙ୍କ "ମୁଁ " ସମସ୍ତେ ସ୍ତବ୍ଧ ହୋଇ ଯାଇଥିଲେ, ପିରିୟଡ଼ ର ସମାପ୍ତି ର ଘଣ୍ଟି ବାଜିଥିଲା, ପିଲେ

କାଲି ଆଉ ଏକ ନୂଆ ଗପ ନେଇ ଉପସ୍ଥିତ ହେବି, ତୁମର ପ୍ରିୟ ପ୍ରୀତି ମାଡାମ  !! ଧନ୍ୟବାଦ !! 

151, ନାଗାର୍ଜୁନ କଲୋନୀ

ନାରା ରୋଡ, ଜରିପଟକା

ନାଗପୁର, ମହାରାଷ୍ଟ୍ର

440014