ଶ୍ରୀ ସୁଦାମ ଦଳବରା
ପରାଧୀନ ଥିଲୁ ସ୍ୱାଧୀନ ହୋଇଲୁ ।
ଆଜି ପାଉ ଅଛୁ ତାର ସ୍ୱାଦ।
ଧନ୍ୟ ତୁମେ ଗାନ୍ଧୀ ଧନ୍ୟ ହେ ମହାତ୍ମା ।
କେତେ କରିଗଲ ତୁମେ ତ୍ୟାଗ ।।
କେତେ ଦୁଃଖ କଷ୍ଟ ଏ ଦେଶ ସହିଛି।
ଇଂରେଜୀ ହାତରୁ ମାଡ଼ ଗାଳି ଖାଇଛି।
ମନେ ପଡେ ଯେବେ ଆଜି ସେହି କଥା।
ହୃଦୟରେ କେତେ ହେଉଛି ଯେ ବ୍ୟଥା ।।
ଇଂରେଜୀ ଶାସନ ଉଦ୍ଧତର ଭାବ।
ଭାଙ୍ଗିଥିଲ ତୁମେ ହେ ମହାମାନବ।
କେତେ ଆନ୍ଦୋଳନ ତୁମେତ କରିଲ।
ପରାଧିନ ଦେଶକୁ ମୁକ୍ତି ଆଣିଦେଲ ।।
ଦେଶର ସ୍ୱାଧିନ ଆଣିବାର ପାଇଁ।
କାରାଗାରେ ତୁମେ ରହିଥିଲ ଯାଇ।
ଇଂରେଜ ସହିତ କେତେ ଲଢ଼ି ଥିଲ।
ସ୍ୱାଧୀନ ଭାରତ ତୁମେ ଗଢି ଗଲ ।।
ସ୍ୱାଧୀନ ଆମେ ଆଜି ନାହିଁ ଆମକୁ ଡର।
ଜାତୀୟ ଧ୍ବଜା ଆମ ଉଡଇ ଫର ଫର।
ତୁମ ପାଇଁ ତ୍ରିରଙ୍ଗା ଆଜି ଉଡୁଅଛି।
ସ୍ୱାଧୀନତା ଦିବସକୁ ଦେଶ ତ ପାଳୁଛି ।।
ଦେଶ ଆଜି ସ୍ୱାଧୀନ ନାହିଁ କେ ପରାଧୀନ ।
ନିତି ଯେ କରୁଛନ୍ତି ତୁମର ଜୟ ଗାନ।
ମୁକ୍ତି ଭାବେ ଜୀବନ ଆମେତ ବିତାଉଛୁ।
ସ୍ୱାଧୀନ ଭାରତର ମଜା ଯେ ନେଉଅଛୁ ।।
ସଭିଏଁ ଭାଇ ଭାଇ ଆମେତ ଭାରତୀୟ।
ଆମର ରହିଥାଉ ଏହିତ ପରିଚୟ।
ସବୁ ଧର୍ମ ସବୁ ଜାତି ରହିଅଛି ଏ ମାଟିରେ ।
ନାହିଁତ ଭେଦଭାବ ଆମର ଭାରତରେ ।।
ସମସ୍ତଙ୍କୁ ମିଳିଅଛି ସମାନ ଅଧିକାର।
ନାହିଁତ ଛୋଟ ବଡ଼ ଭେଦଭାବ ବିଚାର।
ଭିନ୍ନତା ମଧ୍ୟେ ଏକତା ଆମର ରହିଛି ।
ଆଜି ଯେ ଭାରତୀୟ ସ୍ୱାଧୀନ କହୁଛି।।
ସ୍ୱାଧିନ ଭାରତ ଆମ ଆମେତ ସ୍ୱାଧୀନ।
ଏକତା ଭାବରେ ବନ୍ଧା ଆମର ଜୀବନ।
ଗଣତନ୍ତ୍ର ଶାସନ ଆଜି ଆମର ଚାଲିଛି ।
ଇଂରେଜୀ ଶାସନର ବିଲୋପ ଘଟିଛି ।।
ଧନ୍ୟ ହେ ଦେଶ ଭକ୍ତ ଧନ୍ୟ ତୁମ ଅବଦାନ।
ଦେଶର ସ୍ୱାଧୀନରେ ତୁମରି ବଳିଦାନ ।
ଆଜି ତୁମକୁ ଦେଶ କେତେ ମନେ ପକାଉଛି ।
ଭାରତ ମାତା କି ଜୟ ଗର୍ବରେ କହୁଅଛି ।।
ଶ୍ରୀ ସୁଦାମ ଦଳବରା (ଶିକ୍ଷକ)
ତୁରୁମୁ, ଭଞ୍ଜନଗର, ଗଞ୍ଜାମ
No comments:
Post a Comment