🌹🌹🌹👏🌹🌹🌹
ଜନନୀ ଲୋ ତୋର ଶ୍ରୀଚରଣ ସେବି ଚାଲିଗଲେ କେତେ ବୀର ପୁତ୍ର
ଦେଇଗଲେ ତାଙ୍କ ଶେଷ ରକ୍ତ ବିନ୍ଦୁ କରି ବାକୁ ତୋତେ ବନ୍ଦି ମୁକ୍ତ।
ଜନନୀ ଲୋ ତୋର
ଧନ୍ୟ ତୁ ଜନନୀ ଧନ୍ଯ ତୋର କୋଳ
ଧନ୍ୟ ମାଟି ପାଣି ପବନ
ବୀରପୁତ୍ର ଙ୍କୁ ତୁ କୋଳରେ ଧରିଲୁ
କରିଲେ ତୋ କୋଳ ମଣ୍ଡନ।
ଜନନୀ ଲୋ ତୋର
ସମ୍ବଲପୁର ର ପ୍ରକୃତି କୋଳରେ ହୀରାଖଣ୍ଡ ବୋଲି ରାଇଜ
ଖୀଣ୍ଡା ଗ୍ରାମ ମଧ୍ୟେ ଚହ୍ବାନ ବଂଶରେ
କିଏ ହେଲେ ସିଏ ଆର୍ବିଭାବ।
ଜନନୀ ଲୋ ତୋର
ସାତଭାଇ ମଧ୍ୟେ ହୋଇଥିଲେ ଶ୍ରେଷ୍ଠ ନାମ ଥିଲା ତାଙ୍କ ସୁରେନ୍ଦ୍ର
ମତଗଜ ପରି ଠାଣି ଯେ ତାଙ୍କର ବିଦ୍ରୋହର ଥିଲେ ପ୍ରାଣକେନ୍ଦ୍ର।
ଜନନୀ ଲୋ
ଜାଳି ଦେଲେ ନିଆଁ ବଣ ପାହାଡରେ ବିଦେଶୀ ହୋଇଲେ ଚକିତ
ବାନ୍ଧି ନେଇ କାରାଗାର ରେ ରଖିଲେ
ପାଷାଣ ଠୁ ଥିଲେ ସିଏ ଶକ୍ତ
ଜନନୀ ଲୋ
ସଭିଙ୍କୁ ହରାଇ ନ ନଇଁ ଲା ମଥା ଗାଇଲେ ବିପ୍ଳବ କବିତା
ସ୍ବାଧୀନତା ସ୍ବପ୍ନ ଦେଖିଥିଲେ ସିଏ ନ ଦେଖି ପାରିଲେ ସ୍ବାଧୀନତା।
ଜନନୀ ଲୋ ତୋର
ସମ୍ବଲପୁର ର ଟେକ ରଖିଦେଇ ଚାଲିଗଲେ ସିଏ ବାଟ କାଟି
ଝୁରି ହେଉଅଛି ଏ ପାଣି ପବନ ଝୁରୁଅଛି ସେ ଜନମ ମାଟି।
ଜନନୀ ଲୋ ତୋର
କାଳର କରାଳ ରୂପ ରେ ସେ ଆଜି ହୋଇ ଯାଇଛନ୍ତି ବିଲୀନ
ଆଜିର ଦିନରେ ସେ ବୀର ପୁରୁଷ ଙ୍କୁ କରୁଅଛି କୋଟି ପ୍ରଣାମ।
🙏🙏🙏🙏🙏🙏🙏🙏🙏🙏
ଜନରଞ୍ଜନପ୍ରଧାନ
ଆଳୋଇ
ବାଲିପାଟଣା
ଖୋର୍ଦ୍ଧା
No comments:
Post a Comment