ହରିହର ଭୂକ୍ତା
ଏଠି କାହାକୁ ନ୍ୟାୟ ମିଳିଛି
ଦେଖ ଅରଣ୍ୟ ରୋଦନ ଚାଲିଛି
ଧରମ ନୟନେ ପରଦା ପଡିଛି
ଅସତ୍ୟ ଶକତି ବଢୁଛି
ମହମ ବତୀର ଶିଖା ଜାଳି ଜାଳି
ନ୍ୟାୟ ମିଳିବକି ଭାବୁଛି
ଏଠି କାହାକୁ ନ୍ୟାୟ ମିଳିଛି ।
ଏଠି ଜାଜ୍ଞସେନୀ କାନ୍ଦୁ ଶୁଭୁଛି
ଦେଖ ବସ୍ତ୍ର ହରଣ ନୀତି ଚାଲିଛି
ଦ୍ରୈପଦୀ ଭାବନା କୃଷ୍ଣ ଆଗମନ
ଦୂର୍ଯୋଧନ ମାନ ବଢୁଛି
ରାବଣ ଲଙ୍କାରେ ମାୟା ଦେଖା ଦିଏ
ସ୍ବଣ୍ଣ ଲଙ୍କା ଗର୍ବ ଘାରିଛି
ଏଠି କାହାକୁ ନ୍ୟାୟ ମିଳିଛି ।
ଏଠି ସୁକନ୍ୟା ଯୋଜନା ଚାଲିଛି
ଦେଖ କଳିଟି ଝଡିକି ପଡୁଛି
ଦୂରଦର୍ଶନରୁ ,ମୋବାଇଲ,ରେଡିଓ
ବେଟି ବଚାଓ କାର୍ଯ୍ୟକ୍ରମ ଏବେ
ନରସିଂ ହୋମରେ ଗର୍ଭପାତ ଚାଲିଛି
ସ୍ବାର୍ଥ ଅନ୍ଧ ଏବେ ସାଜିଛି
ଏଠି କାହାକୁ ନ୍ୟାୟ ମିଳିଛି ।
ଏଠି ଭାଷଣ ନିଇତି ଚାଲିଛି
ଦେଖ ଜନତା ଜଳକା ସାଜିଛି
ଯୋଜନା ପ୍ରବଳ କାର୍ଯ୍ୟକାରୀ ନୁହଁ
ପିସି ଖାଇ ପେଟ ବଢୁଛି
ଗାନ୍ଧାରୀ ଶପଥ ଗାନ୍ଧାରୀ କହେ
ଗୀତାର ଶପଥ ଚାଲିଛି
ଏଠି କାହାକୁ ନ୍ୟାୟ ମିଳିଛି ।
ଏଠି ବୃଦ୍ଧାଶ୍ରମ ଗଢା ଚାଲିଛି
ଦେଖ ଆଜ୍ଞାକାରୀ ପୁଅ ହୋଇଛି
ଲୋକ ଦେଖାଣିଆ ପିତା,ମାତା ସେବା
ସୋସିଆଲ୍ ମିଡିଆରେ ବୁଲୁଛି
ବୟସର ଆଜି ଅପରାହ୍ନରେ
ପିତା,ମାତା କାନ୍ଦୁ ଶୁଭୁଛି
ଏଠି କାହାକୁ ନ୍ୟାୟ ମିଳିଛି
ଏଠି କାହାକୁ ନ୍ୟାୟ ମିଳିଛି ।
ରାକସ,ତାଳଚେର,ଅନୁଗୋଳ
No comments:
Post a Comment