✍ ଅମରନାଥ ବାରିକ୍
ଆସିଛି ଶୀତ ଚାଲରେ ମିତ
କରିବା କସରତ
ଶରୀର ହେବ ପଥର ପରି
ଶୁଦ୍ଧ ହୋଇବ ରକ୍ତ ।
ବଡ଼ି ଭୋଅରୁ ଶେଯରୁ ଉଠି
ବସିଲେ ବ୍ୟାୟାମରେ
ଲାଗିବ ଫୁର୍ତ୍ତି ମନ ନିଶ୍ଚଳ
ରହିବା ନିରୋଗରେ ।
ଖାଇଲେ ଯାହା ହଜମ ହୁଏ
ଶୀତଋତୁ ଏ କାଳେ
ଲାଗଇ ଭଲ ଶୋଇବା ପାଇଁ
ମୋଟା କମ୍ବଳ ତଳେ ।
ନିଆଁ ଜଳାଇ ପିଲାଠୁଁ ବୁଢ଼ା
ହାତ ଗୋଡ଼କୁ ସେକି
ମନ ଯେ ଡା଼କେ ବସିବା ପାଇଁ
ଖରା ଜାଗାଟେ ଦେଖି ।
ଲାଗିଲେ ଜାଡ଼ ଖୋଜା ପଡ଼ଇ
ଉଷୁମ ବସ୍ତ୍ରମାନ
ଥଣ୍ଡାରୁ ପୁଣି ଆରାମ ମିଳେ
ଘୋଡ଼ାଇ ହେଲେ କାନ ।
ଶୀତଳ ଜଳ ଗାଧୁଆ ପାଇଁ
କରିଲେ ବ୍ୟବହାର
ଆପାଦମସ୍ତକ ଶୀତରେ କମ୍ପେ
ହୁଅଇ ଥରଥର ।
ତଥାପି ନିତି ଜରୁରୀ ଆମ
ଶରୀର ପକ୍ଷେ ସ୍ନାନ
ନିୟମିତ କଲେ ଜଳରେ ସ୍ନାନ
ଭଲରେ କଟେ ଦିନ ।
ପନିପରିବା ତଟକା ଶାଗ
ସବୁଜିମା ଚୌଦିଗେ
ସୋରିଷ କ୍ଷେତ ସୁନେଲି ଆଭା
ଖେଳେ ଦିଗ ବିଦିଗେ।
ସବୁ ସୁବିଧା ମିଳେ ଶୀତରେ
ବସନ୍ତ ଆବାହକ
ଋତୁ ପାଲିଙ୍କିରେ ଶୀତର ଗୀତ
ପ୍ରାଣେ ଭରେ ମହକ।
. ସମାପ୍ତ
____●◆●____
💌 କୟାଁ, ମଙ୍ଗଳପୁର, ଯାଜପୁର
ଓଡ଼ିଶା - ୭୫୫୦୧୧
No comments:
Post a Comment