ବିଶ୍ୱାସ ଯେଉଁଠି ନିଶ୍ୱାସ ନେବାକୁ
ଲୋଡ଼ୁଥାଏ ନିତି ସର୍ତ୍ତ...
ଆଶା ତ ସେଇଠି ଅସୁମାରୀ ଅଶ୍ରୁ
ନିୟତିର ନଗ୍ନ ନୃତ୍ୟ...
କିଛି ମିଛ କିଛି ସତ...
ଯାତନା ଯଜ୍ଞରେ ଆହୁତି ସାଜଇ
ସାଉଁଟା ସ୍ମୃତିର ଘୃତ...
ସମ୍ପର୍କ ଯେଉଁଠି ସର୍ତ୍ତର ସମିଧ
ଅଗ୍ନି ଅଫେରା ମୁହୂର୍ତ୍ତ...
ମହାମନ୍ତ୍ର ସେଠି ମୂକର ବଚନ
ପ୍ରତାରଣା ପୁରୋହିତ...
ସ୍ବପ୍ନ ବି ଅଵଗୁଣ୍ଠିତ...
କୋଇଲି ଗାଉଛି କରୁଣ କଣ୍ଠରେ
ବସନ୍ତର ଶେଷ ଗୀତ...
ଜୀବନ ଯେଉଁଠି ସର୍ତ୍ତ ସନନ୍ଦରେ
ସ୍ୱାର୍ଥର ଆଙ୍ଗୁଳି ଛାପ...
ହତାଶା ସେଇଠି ହାତ ଠାରି ଡାକି
କରଇ କେତେ ଆଳାପ...
ଭାବନାର ଭିନ୍ନ ରୂପ...
ଦଇବ ଦୁଆରେ ମଣିଷ ଜୀବନ
ଦି ମୁଠା ମାଟିର ଦୀପ...
ରଞ୍ଜନ କୁମାର ମହାନ୍ତି
ବାଲେଶ୍ୱର
No comments:
Post a Comment