ନଳିନୀ ପ୍ରଭା ମିଶ୍ର
ବସନ୍ତ ଋତୁର ଶୋଭା ବିବର୍ଦ୍ଧକ
ହେଲେ ହେଁ ପଳାଶ ତୁହି
ବାସ ହୀନ ଯେଣୁ କାହାର ଆଦରେ
ପାଇଁ ତୋର ସ୍ଥାନ ନାହିଁ।
ବସନ୍ତ ଲାଳିମା ଧରି ଅନୁପମା
ବିରହ ବେଦନା ହାଣେ
ନୀରବ ବିଜନେ ଦୁଃଖ ଚାପି ବୁକେ
ଜଳୁଥାଉ ତୁହି ବଣେ।
ତୋ' ଗୁଣ ଜାଣେନି ମଣିଷ ସମାଜ
କିନ୍ତୁ ତୁହି ଭାଗ୍ୟ ବାନ
ଶିବରାତ୍ରି ଦିନ ଶିବଙ୍କ ମସ୍ତକେ
ହୁଏ ତୋର ଅବସ୍ଥାନ।
ଉପନୟନରେ ବ୍ରତ ଚାରୀ ହସ୍ତେ
ତୋ' ଦଣ୍ଡ ଧାରଣ ପାଇଁ
ଦ୍ବିଜ ଙ୍କ ନିମିତ୍ତ ବ୍ରତ ଘର ଲାଗି
ଉପଜୀବ୍ୟ ଥାଉ ହୋଇ।
ନ ଥିଲେ ହେଁ ବାସ ପବିତ୍ର କର୍ମରେ
ଉପୋଗ ର ନିମିତ୍ତ
ହୋଇଅଛୁ ଧନ୍ୟ କୁସୁମ ରୂପରେ
ନିଜକୁ କରି ପବିତ୍ର।
ମୁକୁନ୍ଦ ପୁର, ଆସ୍କା, ଗଞ୍ଜାମ
No comments:
Post a Comment