ନବ ବର୍ଷ

ପୁରୁଣା ବରଷ ବିତିଯିବା ପରେ

  ଆସିଅଛି ନୁଆ ବର୍ଷ 

ସଭିଙ୍କ ମନରେ ହୃଦୟ ଅନ୍ତରେ

  ଖେଲି ଯାଉଅଛି ହର୍ଷ।।

ନବ ବରଷର ପହିଲି କିରଣ

  ରୋଗଶୋକ କରୁ ଦୁର

ଖୁସିର ଲହରୀ ଖେଲୁଥାଉ ସଦା

  ହସୁଥାଉ ଏ ସଂସାର।।

ଗତବର୍ଷ ଗଲା ନୂତନ ଆସିଲା

  ରାଗରିସା ସବୁ ଭୁଲି 

ଭାଇଭାଇ ପରି ମିଳିମିଶି ଥିବା

  ହୃଦୟ ଦୁଆର ଖୋଲି।।

ଧୂପଦୀପ ଦେଇ ଇଶ୍ବର ଚରଣେ

  ଏତିକି ଆମ ପ୍ରାର୍ଥନା 

ନିର୍ବିଘ୍ନରେ ବର୍ଷ କଟିଯାଉ ହୃଦେ

  ଦିଅ ହେ ସତ୍ଯଚେତନା।।

ଦୟାପ୍ରେମ ସେବା ଅହିଂସା ଆଦର୍ଶ 

  ହୃଦୟରେ ପାଉ ସ୍ଥାନ 

ନୂତନ ବର୍ଷର ନୂତନ ଦିନରେ

  ଜଣାଏ ଅଭିନନ୍ଦନ।।

🙏🌹🌼🪔🌼🌹🙏
ଶ୍ରୀ ଜିତେନ୍ଦ୍ରିୟ ସାହୁ 
ଚୁହାନ ପାଲି,ଘେଁସ,ବରଗଡ