ନେଡି ଗୁଡ଼ ଯେବେ କହୁଣୀକୁ ଖସେ ଦିଗ ବାଗ ଦିଶେ ନାହିଁ

🌹ନେଡି ଗୁଡ଼ ଯେବେ କହୁଣୀକୁ ଖସେ 

      ଦିଗ ବାଗ ଦିଶେ ନାହିଁ🌹

*************************

ଧର୍ମାନ୍ଧଂକ ଉନ୍ମାଦନାରେ ଆମ ସଂସ୍କାର

ଗଲାଣି ହଜି

ଶିଷ୍ଟାଚାର ଆଜି ହୋଇଲାଣି ଶୂନ୍ୟ ସର୍ବ

ସମ୍ପର୍କ ଯାଉଛି ଭlଜି 

ରାତ୍ର ଦିନ ଧରମ ନାମରେ ବାୟା ବାତୁଳା 

ହୃଦେ ହିଂସା ଜର ଜର  

କରାଳ ରୂପ ପ୍ରକାଶ କରନ୍ତି ପିଇ ସାମ୍ପ୍ରଦାୟିକ

ନିଶାର ଜହର

ଦେଶପ୍ରେମ ନାମେ, ସ୍ଥାନ, କାଳ, ପlତ୍ର, 

ନlହିଁ ବିଚାର ସେମାନଙ୍କର 

ଭବିଷ୍ୟତ କଥା ନକରି କେ ଚିନ୍ତା ହୁଅନ୍ତି ମତ୍ତା

 ଚାକର ତ ପଇସାର

ଇତିହାସ ନପଢି, ପଣ୍ଡିତ ବୋଲlନ୍ତି ଛାଗଳ

 ପରାଏ କରନ୍ତି ରଡି

ରଣର ଡାକରା ଦିଅନ୍ତି ସଂସ୍କାର ବେଭାର ଜ୍ଞାନ

ବୁଦ୍ଧି ପlଶୁ ଏଡ଼ି 

ଆମ ଶାସ୍ତ୍ର ଉଚ୍ଚ ସ୍ୱରେ କହେ ନର ଦେହେ 

ଉଭା ନାରାୟଣ

ପାଇବା ଦିବ୍ୟ ଆନନ୍ଦ ମାନବଙ୍କ ସେବା କଲେ

 ଦେଇ ମନ ପ୍ରାଣ

ଆଜି ସାହି ସାହିରେ ଲୋକ ପୂଜନ୍ତି ଇଶ୍ୱର 

ଅନ୍ଧାର ମନ୍ଦିରେ

କାହାକୁ ପୂଜୁଛ, ଇଶ୍ୱରଂକ ଜ୍ୟୋତି ଅଲିଭା, 

ବ୍ୟାପ୍ତ ସାରା ମଣ୍ଡଳରେ

ଏଠି, ସେଠି, ସବୁଠି ହିଁ ସୃଷ୍ଟି କରୁଛ ନିଆଁ, 

ପାପର ଦୁର୍ଗନ୍ଧ ସଜାଇଛ

ପୂଜାର୍ଚ୍ଚନା ମନ୍ଦିର ଆଳତୀ କରି ମନ୍ତ୍ର ପାଠରେ 

ପାପରୁ ମୁକ୍ତି ପାଇବ ଭାବୁଛ

ମନେ ରଖ ଧର୍ମାନ୍ଧ ! ଜୀବନ ନୁହେଁ ଅମୃତ ସୋପାନ 

ଖାଲି ଖୁସି ଭରି ଦେବ

ଭେଳିକି ଦେଖାଇ ଧରମ ନାମରେ କେତେ ଦିନ ତୁମେ

ଏଇ ମିତି ଚାଲିଥିବ 

ମନେ ରଖ, ନେଡି ଗୁଡ଼ ଯେବେ କହୁଣୀକୁ ଖସେ 

ଦିଗ ବାଗ ଦିଶେ ନାହିଁ 

ରକ୍ଷକ ହୋଇ ଭକ୍ଷକ ସାଜୁଛୁ ଭୋଗିବୁ ଏଇ ଜୀବନରେ

 ଲେଖି ଅଛି ଯାହା ବିହି

**********************************************

ଚିତ୍ତ ରଞ୍ଜନ ନନ୍ଦ

ଜଗତପୁର,କଟକ

*************************

🙏🏻🙏🏻🙏🏻🙏🏻🙏🏻🙏🏻🙏🏻🙏🏻