ନାରୀ

ଆନ୍ତର୍ଜାତିକ ମହିଳା ଦିବସ ଉପଲକ୍ଷେ (ପ୍ରବନ୍ଧ)

ନଳିନୀ ପ୍ରଭା ମିଶ୍ର

   We are volcanoes.when

We woman offer our experience as our truth,

as human truth ,all the

maps change.There are

new mountains.

     ଆମେ ନାରୀ ନାରୀ ଆମେ ଆଗ୍ନେୟ ଗିରି।ଆମେ ଯେତେବେଳେ

ଆମର ବାସ୍ତବ ତାକୁ ନେଇ ମାନବୀୟ ସମଧାରାରେ ସତ୍ୟତା ମାଧ୍ୟମରେ ନିଜ ଅନୁଭୂତି କୁ ଉପସ୍ଥାପିତ କରିଥାଉ,ସମସ୍ତ

ଭୌଗୋଳିକ ମାନଚିତ୍ର ପରିବର୍ତ୍ତିତ

ହୋଇଯାଇ ସେଠାରେ

ନୂତନ ପାହାଡ ସବୁ ସୃଷ୍ଟି ହୋଇ ଯାଏ।

    କହିବାକୁ ଗଲେ ନାରୀ ଏକ ତରଳ ଉଦଗୀରଣ। ତା'ର ଶକ୍ତି ଏତେ ପ୍ରବଳ ଯେ,ସେ ସାଜି ପାରେ

ମହିଷା ମର୍ଦ୍ଦିନୀ ସଂହାର କାରିଣୀ

ସେ ଆଦିଶକ୍ତୀ ଦୁର୍ଗା।ମାତୃରୂପୀ।

ତା'ର ଦୃଢ଼ ଯୁକ୍ତି ଆଗରେ ଯମରାଜ

ଦିନେ ମୁଣ୍ଡ ନୁଆଇଁ ଥିଲେ। ନାରୀ

ନ ଅରି ତା'ର କେହି ଶତ୍ରୁ ନାହିଁ।

ଜନନୀ, ଭଗିନୀ,ଜାୟା ତ୍ରିବିଧା

ରୂପରେ ସେ ସଂସାରକୁ ଧରି ରଖିଥାଏ। ତା'ର ଯୁକ୍ତି ଭିତରେ

ଅବାସ୍ତବତାର ସ୍ଥାନ ନଥାଏ।

ନିଜର ପ୍ରଗାଢ ଆତ୍ମ ବିଶ୍ବାସ ଭିତରେ

ଆତ୍ମ ଶକ୍ତିକୁ ଠୁଳ କରି ସେ ନାନା ଅସାଧ୍ୟ ସାଧନ କରିପାରେ। ଅତୀତ ର ପୃଷ୍ଠା ଉନ୍ମୋଚନ କଲେ

ନାରୀର ବହୁବିଧ ଗୁଣାବଳୀର

ଦୃଷ୍ଟାନ୍ତ ଆମ ଆଗରେ ଦଣ୍ଡାୟମାନ

ହୁଏ। 

    ଅତୀତ ଓ ବର୍ତ୍ତମାନ ଭିତରେ

ଯଥେଷ୍ଟ ପରିବର୍ତ୍ତନ ଆସିଛି।ଆଜିର

ନାରୀ ଘରର ଚାରିକାନ୍ଥ ଭିତରେ ଅବରୁଦ୍ଧ ନରହି ବାହାରିଆସିଛି

ନିଜର ସ୍ଵତନ୍ତ୍ର ପରିଚୟ ସୃଷ୍ଟି କରି।

ପୁରୁଷ ସହିତ ସମକକ୍ଷ ହୋଇ ପ୍ରତ୍ୟେକ କ୍ଷେତ୍ରରେ ନିଜ ପାରଦର୍ଶିତା କୁ ପ୍ରତିପାଦନ କରିପାରିଛି।ଜଳ, ସ୍ଥଳ, ଆକାଶ

ସର୍ବତ୍ର ସେ ନିର୍ଭୟରେ ନିଜକୁ କର୍ମ

କ୍ଷେତ୍ରରେ ଲଗାଇ ପାରୁଛି।

ସେ ବିଜୟିନୀ।ଦକ୍ଷ ସୁଶାସିକା ଭାବେ ଦେଶର ଶାସନ ଭାର ଗ୍ରହଣ

କରି ନିଜ ସାମର୍ଥ୍ୟ କୁ ବଜାୟ ରଖିଛି।ପୁରୁଷ ଭଳି ଅଧିକାର ଭୁକ୍ତ

ହୋଇ ଲୈଙ୍ଗିକ ବୈଷମ୍ୟତା ଦୂର

ହୋଇ 'feminism' ଆଜି ତୀବ୍ର

ବେଗରେ ମୁଣ୍ଡ ଟେକି ଉଠିଛି।

ମହିଳା ମାନଙ୍କ ସଶକ୍ତି କରଣକୁ

ନେଇ ଯେଉଁ ସବୁ ଦାବୀ ଉପସ୍ଥାପିତ

ହେଉଛି,ତା 'ଭିତରେ ସେମାନଙ୍କ

ରାଜନୈତିକ, ସାମାଜିକ ଏବଂ

ଆର୍ଥିକ ବିକାଶ ପ୍ରତି ଧ୍ୟାନ ଦେଲେ

ଆଜିର ଦିବସଟି ତା'ର ଯଥାର୍ଥତା

ବହନ କରିବ।

ମୁକୁନ୍ଦ ପୁର, ଆସ୍କା, ଗଞ୍ଜାମ