ଆମ ଚାଷୀପୁଅର ସମସ୍ୟା.. ସମାଧାନ ର ବାଟ?

Il ଜୟ ଜଗନ୍ନାଥ ll

(ପ୍ରସଙ୍ଗ ଆମ ଚାଷୀପୁଅର ସମସ୍ୟା.. ସମାଧାନ ର ବାଟ? ବାସ ଚଷା ପୁଅ ମୁଁ ମୋ ମନକୁ ଏମିତି ଆସିଲା ଆଉ ତାକୁ ରୂପାନ୍ତରିତ କଲି ଖୁଦ୍ର ନାଟକ ମାଧ୍ୟମ ରେ

ଏକାଙ୍କିକା - ଅନ୍ତସ୍ୱର 

-ଆରେ ନଟ କେମିତି ଅଛୁ? ଅନେକ ଦିନପରେ ତତେ ଦେଖୁଛି l

-ଭଲ ଅଛି ସାର l ବିଲଡର ସେଠି ଜାଗା ମାଡ଼ିବସିଲେ l ଏବେ ସାର ଏଇ ସାଇରେ ଆରମ୍ଭ କରିଛି l

-ଭଲ କଲୁ l କଣ କରିବା ମାଫିଆ ଆଉ ବିଲଡରମାନଙ୍କ ରାଜ ତ ଚାଲିଛି ଏବେ l ହଉ ଶୁଣୁ ସଚିକାନ୍ତଟା ସହ ବହୁ ଦିନ ହେଲା ଭେଟ ହେଇନି l ଆଜି ଯିବା ଚାଲ ତା ଆଡ଼େ l

-ହଉ ସାର l ରୁହନ୍ତୁ ମୁଁ ଦୋକାନ ବନ୍ଦ କରିଦିଏ l ମୋର ବି ବହୁତ ଇଛା ହଉଥିଲା l ନାଇଁ ସୁର ଭାଇ କ୍ଷୀର ଆଜି ସରିଗଲା l କାଳିଆ ଦୋକାନକୁ ଯାଆନ୍ତୁ ଖୋଲା ଅଛି l ସାର ଯିବା ଚାଲନ୍ତୁ l

-ଚାରି ପାଞ୍ଚ ଦିନ ତଳେ ସଚି ର ଫୋନ କୁ ଲଗଉଥିଲି ସ୍ବିଚ ଅଫ ଥିଲା l

-ଭୋଳା ଲୋକ ଆଜ୍ଞା ଭାବନା ଭିତରେ ଯଦି ଥରେ ପଶିଗଲେ ନିଷ୍କର୍ସ ନବାହାରିବା ପର୍ଯ୍ୟନ୍ତ ବାସ ସେଇଠି ଫସିକି ରହିଥିବେ l

-ଲୋକଟା ଉପରେ ମୁଁ ଚିଡ଼େ ସିନା କିନ୍ତୁ ସଂସ୍କୃତି ପ୍ରେମୀ ଆଉ ସଂସ୍କାର ଧର୍ମୀ ମଣିଷଟା ସେ l

-କଲିଂ ବେଲ ମାରି ଦେଖ ବାବୁ ଭୋଳାନାଥ କଣ କରୁଛନ୍ତି l

-ସାର ବାପୁ ଅଗଣା ରେ ବସି ପେପର ପଢୁଛନ୍ତି l

-ଆରେ ଦେଖିଲ କିଏ ବେଲ ମାରୁଛି l

-ଦେଖୁଛି l

-ନମସ୍କାର ଭାଇନା l

-ସଚି କଣ କରୁଛି?

-ଭିତରକୁ ଆସନ୍ତୁ ସେ ଅଗଣାରେ ବସିଛନ୍ତି l

-ବଦ୍ରି ଭାଇନା ଜୟ ଜଗନ୍ନାଥ l ଆରେ ନଟ କେମିତି ଅଛୁ l

-ହଁ ବାପୁ ଭଲରେ ଅଛି l

-ଆଉ ଭାଇନା ତମେ?

-ମୋର ଆଉ କଣ ପୁଅ ବୋହୁ ଆସିଥିଲେ ଗଲା ମାସ ରେ ଫେରିଗଲେ l ବାସ ଏକୁଟିଆ ଆଉ କଣ କରିବି l ମେଡ଼ ଆସୁଛି ଫୁଟେଇ ଦେଇ ଯାଉଛି l

-କଣ କରିବା ଆଉ ଭାଇନା ଏଇ ତ ଜୀବନ l ସକାଳୁ ଏଇ ପେପର ଟା ପଢ଼ୁଥିଲି ଯେ ମନ ଟା ଚହଲିଗଲା l ଧାନ ଅଭାବି ବିକ୍ରି ପାଇଁ ଗୋଟେ ନାଟ ଚାଲିଛି l ବିତର୍କ ତର୍ଜମା ଟିଭି ମିଡ଼ିଆ ବିଧାନ ସଭା ଚାରିଆଡ଼େ ଚାଲିଛି କିନ୍ତୁ ଫଳ ଶୂନ l

-ହଁ ସଚିକାନ୍ତ ଚାଷୀ ଟି ଆଜି ଗୋଟେ ଅଜଣା ଅନିଶ୍ଚିତତା ଭିତରେ ତା ଦିନ ବିତଉଛି l

-ଏଥିପାଇଁ ଦାୟି କିଏ ସାର l ସରକାର କହୁଛନ୍ତି କରୁଛନ୍ତି ବିରୋଧୀ କହୁଛନ୍ତି କିଛି କରୁ ନାହାନ୍ତି l ଏମିତି ଅବସ୍ଥା ରେ ଏ ସମସ୍ୟା ର ସମାଧାନ ହବ କେମିତି?

-ହବ l ଆମେ ସବୁ ଚାହିଁଲେ ହବ l

-ଭାଇନା ଏଇଟା ତମର ଆଉ ନଟ ର l ଆଙ୍କର ବିନା ଚିନି l ତମ ପାଇଁ କଣ କରିବି?

-ଆରେ ଆଜି ଗାଁ ଚାଉଳ ସେ ଯୋଉ ଚମ୍ପା ଧାନ ଚାଉଳ ଆଣିଥିଲି l ତାକୁ କରିଦିଅ ଆଉ ତା ସାଙ୍ଗକୁ ତମ ଘରୁ ଯୋଉ ମୁଗ ଆସିଥିଲା ଡାଲିକରିଦିଅ l

-ହଉ l

-ଆରେ ବୋହୁ ଇଏ କଣ ରାତିରେ ଭାତ ଖାଉଛି?

- ରାତି ମାନେ ତାଙ୍କର ଦି ଓଳି ଭାତ l ଛୁଟିଦିନରେତ ତିନି ଓଳି l

-ସଚିକାନ୍ତ ତମର ପରା ଡାଏବେଟିସ l

-ହଁ ତ କଣ ହେଲା ସେଉଠୁ?

-ଭାତ ଏତେ ଥର ଯେ?

-ସେଇଠି ତ ଭାଇନା କଥା l ଆଜି ଯୋଉ ଅଭାବି ଧାନ ବିକ୍ରି ହଉଛି ତାର ମୂଳ ସମସ୍ୟା ଟିହିଁ ସେଇଠି ଲଟକିଛି l

-ମାନେ?

-ମତେ କୁହ ଆମ ଓଡିଶା କୁ ଛାଡିଦେଲେ ଆଉ କୋଉ ରାଜ୍ୟରେ ଅଭାବି ବିକ୍ରି ର ନଜିର ଅଛି କି?

-ନା l

-କାହିଁକି ନାହିଁ?

-ତାଙ୍କ ସରକାର ସବୁ ବ୍ୟବସ୍ଥା କରୁଛନ୍ତି l

-ବାଃ ରେ ଓଡ଼ିଆ ବାଃ l ଓଡ଼ିଆ ଏଇଠି ମାଡ଼ ଖାଇଲା ହା ହା ହା l ଯାହା କରିବେ ଖାଲି ସରକାର କରିବେ ଆଉ ଆମେ ଓଡ଼ିଆ କିଛି ନକରି ମାଗିଖିଆ ଭଳିଆ ଆଁ ଟା କରି ଜମାଖାତା ଖୋଲି ମାହାଳିଆ ମାଲ କୁ ଅନେଇକି ବସିଥିବା l

-ବାପୁ କିଛି ମୁଣ୍ଡରେ ପଶୁନି ଯେ!!!

-ଏବେ ମୁଁ ଯାହା କହୁଛି ଶୁଣୁ ଆଉ ମୁଣ୍ଡରେ ପୁରା ହେଲା l

-ହଉ ସାର କୁହନ୍ତୁ l

-ରୁଟି କୋଉଥିରୁ ତିଆରି ହୁଏ?

-ଅଟାରୁ ଆଉ ଅଟା ଗହମ ରୁ l

-ଗହମ କୋଉ ରାଜ୍ୟମାନଙ୍କରେ ପ୍ରଧାନତଃ ଚାଷ କରାଯାଏ?

-ଉତ୍ତର ଆଉ ପଶ୍ଚିମ ଭାରତ ରେ l

-ସେଠିକାର ଲୋକମାନଙ୍କର ମୂଳ ଖାଦ୍ୟ କଣ?

-ରୁଟି ହେଲାସେମାନଙ୍କର ମୂଳଖାଦ୍ୟ l

-ଧାନ କୋଉ ରାଜ୍ୟର ମୂଳ ଚାଷ l

-ହା ହା ହା ଆମ ଓଡିଶାର l

-ଆରେ ମୁର୍ଖ ଖାଲି କଣ ଓଡିଶା l ଆମ ରାଜ୍ୟ ବାଦ ଦକ୍ଷିଣ ଭାରତ ପଶ୍ଚିମ ବଙ୍ଗ ଉତ୍ତର ପୂର୍ବ ରାଜ୍ୟ ଆସାମ ଅଗରତଳା ମଣିପୁର ସିକିମ ଆଦି ରାଜ୍ୟରେ ବି ଧାନ ଚାଷ ହେଉଛି ମୂଳ ଚାଷ l

-ଏବେ କହ ନଟ ସେ ରାଜ୍ୟଗୁଡିକରେ ଧାନ ର ଅଭାବି ବିକ୍ରି ସମସ୍ୟା ଅଛି କି?

-ନା ତ ସାର l

-ଆଉ ଆମ ଓଡିଶା ରେ?

-କଣ ଆଉ କହିବି ସାର ଆମ ଚାଷୀକୁଳ କାନ୍ଦୁଛି l ଧାନ ରୁ ଗଜା ବାହାରିଗଲେଣି l

-କଣ ପାଇଁ ସେଠି ନାହିଁ ଆଉ ଆମର ଏଠି ସମସ୍ୟା ରହିଛି ଏବେ ଜାଣିଲୁ?

-କଣ ପାଇଁ ସାର?

-ଆରେ ସେ ରାଜ୍ୟମାନଙ୍କରେ ତାଙ୍କର ମୂଳ ଖାଦ୍ୟ ହେଲା ଭାତ l ଚାଷୀ ତା ଧାନ ଅମଳ କଲା ସେଥିରୁ ଚାଉଳ କଲା ନିଜେ ଖାଇଲା ଆଉ ତା ରାଜ୍ୟର ଲୋକମାନଙ୍କୁ ବିକ୍ରି କରି ସେମାନଙ୍କୁ ବି ଖାଦ୍ୟ ଯୋଗେଇଲା l ଆଉ ରହିଲା ଉତ୍ତର ଭାରତ ପଶ୍ଚିମ ଭାରତ ଆଉ ପାହାଡି ରାଇଜ କଥା l ସେମାନଙ୍କର ମୂଳ ଖାଦ୍ୟ ହେଲା ରୁଟି l ମୂଳ ଚାଷ ଗହମ l ନିଜେ କଲେ ନିଜେ ଖାଇଲେ ଆଉ ବଳକା ନିଜ ରାଇଜ ରେ ଅଣ ଚାଷୀମାନଙ୍କୁ ବିକିଲେ ଆଉ ବାହାରକୁ ବି ରପ୍ତାନି କଲେ l ସେଠି ଅଭାବି ବିକ୍ରି ସମସ୍ୟା ଆସିବ କୋଉଠୁ l

-ସତରେ ତ ଭାଇନା ବିନା ସରକାରୀ ସହାୟତା ରେ ତାଙ୍କର ସମସ୍ୟା ସେମାନେ ସୁଲଝାଇ ପାରୁଛନ୍ତି l ହେଲେ ଆମେ କାହିଁକି କରିପାରୁନେ?

-ଦେଖ ନଟ ସେମାନେ ହେଉଛନ୍ତି ଆତ୍ମ ନିର୍ଭରଶୀଳ l ଆଉ ଆମେ? ଭାଇନା ଏବେ ମତେ କଣ କହୁଥିଲେ ଭାତ ତିନି ଓଳି ଖାଉଛ l ଦେହ ଖରାପ ହବ l

ଆରେ ମୋତେ ଏବେ ଅଠାବନ ବର୍ଷ ହେଇଗଲା l ହଁ ଡାଏବେଟିସ ରହିଛି l କିନ୍ତୁ ଚାଲିଛି l କିଏ କେତେବେଳେ ଘରକୁ ଯିବ ସେ କଥା ନା ତୁ ଜାଣିଛୁ ନା ମୁଁ ନା ଅନ୍ୟ କେହି l ନା ରୁଟି ଖାଇ ଦେଲେ ଶହେ ବର୍ଷ ବଞ୍ଚିଯିବି ଭାତ ଖାଉଛି ବୋଲି ଶୀଘ୍ର ମରିଯିବି l

-ନାଇଁ ସାର ସେ କଥା ନୁହଁ ଯେ l

-ଆଉ କୋଉ କଥା ଯେ? ଦକ୍ଷିଣ ଭାରତ ରେ ଆଉ ଉତ୍ତର ପୂର୍ବ ରାଜ୍ୟର ଲୋକମାନେ ତ ଭାତ ସବୁବେଳେ ଖାଆନ୍ତି ସେମାନଙ୍କୁ କେତେ ଡାଏବେଟିସ ହଉଛି? ସେମାନେ କଣ ବେଶିଦିନ ବଞ୍ଚୁ ନାହାନ୍ତି?

-ହଁ ତ ଭାଇନା ସତ କଥା l

-ଆରେ ସେମାନେ ଆମଠୁ ଆହୁରି କର୍ମଠ କର୍ମଯୋଗୀ l ସେମାନେ ଆତ୍ମନିର୍ଭରଶୀଳ ନିଜ ଦ୍ୱାରା ଉପାର୍ଜନ ଶସ୍ୟ କୁ ସେମାନେ ନିଜ ଭିତରେ ବିନିଯୋଗ କରୁଛନ୍ତି l ଆଉ ଆମ ଓଡ଼ିଆ? ଉତ୍ପାଦନ କରିବୁ ଧାନ ଆଉ ଖାଇବୁ ଗହମ ପୁଣି ବାହାର ରାଜ୍ୟରୁ ଆମଦାନୀ କରି l କି ବିଜ୍ଞ ଆମେ ରେ ଓଡ଼ିଆ l ବଂଚିବା ପାଇଁ କି ଲୋଭ l ଛି ଛି ଛି... ଲଜ୍ୟା ଲାଗୁଛି ନିଜକୁ ଚାଷୀପୁଅ କହିବାକୁ l ସକାଳେ ରୁଟି ଲଞ୍ଚ ରେ ରୁଟି ଡିନର ରେ ରୁଟି.. ବାଃ ବାଃ ରେ ଓଡ଼ିଆ l

-ସତରେ ତ ଭାଇନା ଧାନ ଆମର ମୂଳ ଚାଷ ହେଲେ ତାକୁ ଆମେ ନିଜେ ବ୍ୟବହାର ନକରି ଆମେ ବାହାର ରାଜ୍ୟରୁ ଗହମ କିଣି ଖାଉଛେ l

-ଆରେ ନଟ ଖାଲି କଣ ଆମେ ସହରୀ ଲୋକ ଯା ଦେଖିବୁ ଯୋଉ ଚାଷୀ ଆଜି  ଅଭାବି ବିକ୍ରି ଅଭାବି ବିକ୍ରି କହି ଚିତ୍କାର କରୁଛି ସେ ବି ତା ମୂଳ ଖାଇବା ରୁଟି କରି ଦେଇଛି l କଣ ନା ରୁଟି ଖାଇଲେ ଦେହ ସୁସ୍ଥ ରହିବ ଅଧିକ ଦିନ ବଞ୍ଚିବ l 

- ଠିକ କଥା ସାର ଆମେ ତ ଆମ ଉପାର୍ଜନ ଆମେ ଖାଇବାନି ବାହାରୁ ଆଣି ଅନ୍ୟ ଉପାର୍ଜନ ଖାଇବା l ଉତ୍ତର ପଶ୍ଚିମ ପାହାଡିଆ ଲୋକ ତ ଭାତ ପ୍ରାୟେ ଖାଆନ୍ତିନି ସେମାନେ ବା ଆମ ଧାନ କଣପାଇଁ କିଣିବେ l ରହିଲା ଦକ୍ଷିଣ ଆଉ ଉତ୍ତର ପୂର୍ଵ ଲୋକମାନେ ସେମାନେ ଧାନ କଲେ ଆଉ ଚାଉଳ କରି ନିଜେ ଖାଇଲେ ଆଉ ତାଙ୍କ ରାଜ୍ୟର ଅଣଚାଷି ଆଉ ସହରୀ ଲୋକମାନଙ୍କୁ ବିକିଲେ l ସେମାନେ ବି ଆମ ଧାନକୁ କଣ ପାଇଁ କିଣିବେ? ସତରେ ସେମାନେ ଆତ୍ମନିର୍ଭରଶୀଳ l

-ଆଉ ଆମେ ଓଡ଼ିଆ ଆମ ଉତ୍ପାଦିତ ଧାନକୁ ଶାଗ ମାଛ ଦର ରେ ଦଲାଲ ମାଫିଆଙ୍କୁ ବିକି ସୁନା ଦର ରେ ଅନ୍ୟ ରାଜ୍ୟ ଦଲାଲ ଙ୍କ ଠାରୁ ଗହମ କିଣି ରୁଟି ଖାଇବା l କଣ ନା ବଡ଼ି ଫିଟନେସ ରହିବ l ଅନ୍ୟ ଭାତୁଆ ରାଜ୍ୟ ଲୋକମାନେ ଯେମିତି ଟୋକାବେଳୁ ମରିଯାଉଛନ୍ତି l ଛି ଛି ଛି.. I କହିଲେ କୁଳ କୁଟୁମ୍ବକୁ ଲାଜ ନା ନକହିଲେ କୁଳ ଭାଷି ଯାଉଛି l

-ତମେ ଠିକ କହିଛ ସଚିକାନ୍ତ l ଆମ ରାଜ୍ୟରେ ସାଢ଼େ ତିନିକୋଟି ଲୋକ l ଯଦି ଆମେ  ଆମ ଉପାର୍ଜିତ ଧାନ ରୁ ଭାତ କରି ଆମେ ଆମର ପ୍ରଧାନ ମିଲ ଭାବେ ସବୁବେଳେ ଖାଇପାରନ୍ତେ ତେବେ ମୁଁ ଭାବୁଛି ଆଜି ଯୋଉ ଧାନର ଅଭାବି ବିକ୍ରି ସମସ୍ୟା ଦେଖାଦେଇଛି ତାହା ଆପେ ଆପେ ଦୂର ହେଇଯିବ l ଚାଷୀ ନିଜେ ଖାଇ ତା ବଳକା ଧାନରୁ ଚାଉଳ କରି ଅଣଚାଷି ଆଉ ଆମ ସହରୀ ଲୋକମାନଙ୍କୁ ଉଚିତ ମୂଲ୍ୟ ରେ ଯୋଗେଇପାରିବ l ଏମିତି କଲେ ବାହାର ରାଜ୍ୟରେ ଆମ ଉପାର୍ଜନର ଚାହିଦା ବଢ଼ିବ l ସରକାରଙ୍କ ଉପରେ ଚାପ ସୃଷ୍ଟି ହେବନି l ବରଂ ସରକାର ଚାଷୀଙ୍କୁ ଚାପ ଶୂନ୍ୟ ହୋଇ ଆହୁରି ଉନ୍ନତମାନର ଯୋଜନା କରି କୃଷକମାନଙ୍କର ଆର୍ଥିକ ମାନଦଣ୍ଡ ବୃଦ୍ଧି କରିବାକୁ ଆନ୍ତରିକତା ଦେଖାଇବେ l

-ବଡ଼ କଥା ସାର ଆମେ ଆତ୍ମନିର୍ଭରଶୀଳ ହୋଇ ସ୍ୱାଭିମାନୀ ଭାବେ ବଞ୍ଚି ପରିବା l କାହା ଦୁଆରେ କି କାହା ପାଖରେ ହାତ ପତେଇବାନି l     

ସତରେ ବାପୁ you are great.. ଆମ ସମସ୍ୟା ର ହାଲ ଆମ ପାଖରେ ହେଲେ ଆମେ ନିଜ ଦୋଷ କୁ ସ୍ୱୀକାର ନକରି ଅନ୍ୟ ଉପରେ ଦୋଷ ଦେଇଚାଲିଛେ l 

-ଏବେ କୁହ ଭାଇନା ମୁଁ ଚଷା ପୁଅ ଜମି ମୋର ବେଶି ନାହିଁ ଛଅ ଏକର ଖଣ୍ଡେ ହବ l ସେଥିରୁ ଧାନ ଅମଳ ହୁଏ l ଭlଗେଇ ଖାଏ ଆଉ ମୁଁ ଆଉ ମୋ ନାଗବଂଶର ସମସ୍ତ ପରିଜନ ଭାତ ଖାଆନ୍ତି l କିଛି ନାହିଁ ମୋ ଜେଜେ ମଧୁଆ ବୁଢ଼ା ସତୁରି ପରେ ଆଉ ମୋ ବାପା ସତାଅଶୀ ବର୍ଷରେ ନିଜ ଘରକୁ ଗଲେ ଆଉ ମୁଁ ଏବେ ଅଠାବନ ରେ l ଭାତ ଖାଉଛୁ ସୁସ୍ଥ ଅଛୁ l ଆଉ କିଛି ଦିନ ଚାଲିଗଲେ ବାସ.. ଜୀବନ ଏଇମିତି ଜିଇଁ ନେବାରେ ବାସ ଆନନ୍ଦ ପାଇଚାଲିଛି ମୋ ନାଗବଂଶ l  ଏମିତି କରି କିଛି ଆମେ ଭୁଲ କରୁନୁ ତ ଭାଇନା?

-ସତରେ ସଚିକାନ୍ତ ତମେ ଆଜି ଆମ ସମସ୍ତଙ୍କର ଆଖି ଖୋଲି ଦେଇଛ l ଆତ୍ମନିର୍ଭରଶୀଳ ଆଉ ସ୍ୱାଭିମାନୀ ହୋଇ ବଞ୍ଚିବାର ବାଟ ଦେଖେଇ ଦେଇଛ l ଆମ ସମସ୍ୟା ର ହାଲ ଆମେ ଶୁଝେଇ ପରିବା l

-ବାପୁ ଆପଣ କଥା ହବା ଭିତରେ ମୁଁ ଗାଁ କୁ ମୋ ବାପାଙ୍କୁ ଫୋନ କରି କହିସାରିଲାଣି କି ମଣ୍ଡିରୁ ଆମ ଧାନ ଗାଡ଼ି ଘରକୁ ଫେରେଇ ନେଇ ଚାଉଳ କରିବେ l ଆଜିଠୁ ଆମ ଘରେ no ଅଟା ସମସ୍ତେ ଆମର ଭାତ ଖାଇବେ ଆଉ ବଳକା ଚାଉଳ ବିକିବେ l

-ହା ହା ହା ହା ସlବାସ ନଟ ଓଡ଼ିଆ ପୁଅ ଆଜି ଆତ୍ମନିର୍ଭରଶୀଳ l

-ଖୁସି ଲାଗିଲା ଭାଇନା କି ଆପଣ ଆଜି ମୋ କଥାକୁ ଗ୍ରହଣ କରିଛନ୍ତି l

-ଆରେ ସଚିକାନ୍ତ ଖାଲି ମୁଁ ନୁହଁ ମୁଁ ଆଜି ସବୁ ଓଡ଼ିଆଙ୍କୁ କହିବିକି ନିଜ ଉପାର୍ଜିତ ଧନ କୁ ଆଗେ ନିଜେ ବିନିଯୋଗ କର.. ଆତ୍ମନିର୍ଭରଶୀଳ ହୋଇ ସ୍ୱାଭିମାନୀ ଓଡ଼ିଆ ହୋଇ ଜିଇଁବା ପାଇଁ ନିଜ ଜୀବନ ରେ ବ୍ରତି ହୁଅ ଓ ଅନ୍ୟ ପାଇଁ ପ୍ରେରଣାଦାୟୀ ହୋଇ ରୁହ l

-ରୋଷେଇ ସାରି ଛାଲି ପକେଇଲେଣି ଭାଇନାଙ୍କୁ ଆଉ ନଟ କୁ ଡାକି ଆସ l

-ଭାଇନା ଆସ ହାତ ଧୋଇବ l

-କଣ ଆଜି ରାତ୍ରି ଭୋଜନ...

-ଆମରି ଘରେ.. ଦେବଂଶୀର ଏକା ଜିଦ ଭାଇନା ଆଜି ଆମ ଘରେ ଖାଇବେ l

-ଆଜି ରବିବାର ନା...

-ଭାତ ମୁଗ ଡାଲି ଆଉ ଆମ ଗାଁ ପୋଖରୀ ସଉଳ ମାଛ ଝୋଳ..

-ଜୟ ଜଗନ୍ନାଥ

-ଜୟ ଓଡ଼ିଆ

-ହା ହା ହା ହା ହା..

-ଜୟ ଜଗନ୍ନାଥ