କାଉ ଖାଇଲା ପଣସ

ନିର୍ମଳ ନାୟକ 

(କବିତା ) 

ଖୋଲିଲି  ଢଗ, ଢମାଳୀ  ପେଡି... 

ଦେଖିଲି ଯତନେ ନୟନ ମେଲି... 

ଉପାଦେୟ ତତ୍ୱମାନ କାଢିନେଲି.. 

ସମାଜ ପାଇଁ ଯୋଗ୍ୟ  ଭାବିଲି  !! 

କାଉ ଚାରି ଯୁଗ ସିଆଣୀଆ ପରା.. 

କିମ୍ପା ଅବା କରେ ବଗଲା ବିଚରା.. 

ଦୋଷ ସାରା ମୁଣ୍ଡେ ବୋଳିଦେଇ.. 

କାଉ ଉଡ଼ିଗଲା ଦୋଷମୁକ୍ତ ହୋଇ !! 

ମିଠା ନରମ କଥାରେ ଭଳି ବଗଲା.. 

ଆପଣା ହାତେ ଜିଭ ଛେଦନ କଲା.. 

ଦୋଷ ଅବା  ଦେବ କାହାକୁ ଭଲା.. 

ମିଛ ଜାଲେ ଫସିଗଲା ନିରୀହପିଲା !! 

ନୂଆ ନୂଆ ମିଠା ସପନ ଦେଖେଇ.. 

ଅର୍ଥ ମୁଣି ରୁ  କାଢିନେଲା  ସେହି.. 

କେହି ଅବା ଜାଣିବେ  କାହିଁ ପାଇଁ 

ବିଚରା  ବଗଲା  ଠକିଗଲା ତହିଁ !! 

କାଉ ନୂଆ ବଗ ଖୋଜିବାର ବ୍ୟସ୍ତ.. 

ପଣସ ଖାଇ ଅଠା ନେସା ଅଭ୍ୟସ୍ତ.. 

ସୁବଚନ ପରଷି ଠକିବାରେ ବ୍ୟସ୍ତ.. 

ବିଚରା ବଗ ହୋଇଲେ ପରାସ୍ତ !! 

ହୁସିଆର ଭାବିଥିଲା ସିନା କାଉ.. 

ସୁଧାରିନେ ତୁ  ବେଳ ଥାଉ ଥାଉ 

ପଣସ ଖାଇ  ଅଠା ବୋଳିଦେଉ.. 

କାହିଁପାଇଁ ତୁମେ  ସାଜୁଛ ଦାଉ !! 

ବଗ ମାନେ ଏବେ ହୁଅ ହୁସିଆର.. 

ଜାଣ କାଉ କରେ  ସବୁ ନାରଖାର.. 

ସ୍ୱାର୍ଥ ପାଇଁ ଠକି ଚାଲେ ବାରବାର.. 

ବିରାଡ଼ି ବୈଷ୍ଣବ ଭାଷା ଠିକାଦାର !! 

151, ନାଗାର୍ଜୁନ କଲୋନୀ 

ନାରା ରୋଡ, ଜରିପଟକା 

ନାଗପୁର, ମହାରାଷ୍ଟ୍ର 

440014