✍️ନୂତନ କୁମାର ବେହେରା
ହେ ସୂର୍ଯ୍ୟଦେବ !
ତୁମେ ସକଳ ଶକ୍ତିର ଆଧାର,
ହୋଇ ଆଲୋକର ମୂଳଉତ୍ସ
ହସାଇ ଦିଅ ସାରା ସଂସାର।
ଏ ସୃଷ୍ଟିକୁ ତୁମେ କର ନିୟନ୍ତ୍ରଣ
ସଞ୍ଚାର ପ୍ରାଣୀର ପ୍ରାଣ,
ତୁମରି ଇଚ୍ଛାରେ ହୁଏ
ଋତୁଚକ୍ରର କ୍ରମ ପରିବର୍ତ୍ତନ
ପୃଥିବୀର ଆବର୍ତ୍ତନ ପରିକ୍ରମଣ।
ହେ ସୂର୍ଯ୍ୟଦେବ !
ତୁମେ ଉଦୟରେ ଢାଳି ଦିଅ
ସୁନେଲି ଆଲୋକର ଧାରା,
ଅସ୍ତରେ ଅସ୍ତରଙ୍ଗେ କର
ଶୋଭାମୟ ଏ ଜଗତ ସାରା।
ତୁମେ ହିଁ ରକ୍ଷାକର
ପ୍ରକୃତିର ଭାରସାମ୍ୟ,
ସକଳ ଜୀବ ଜଗତର ମଙ୍ଗଳ
ତୁମରି ଏକମାତ୍ର କାମ୍ୟ।
ହେ ସୂର୍ଯ୍ୟଦେବ !
ତୁମେ ଦୂରେଇ ଦେଇ ଅନ୍ଧକାର
ଭରି ଦିଅ ଆଲୋକ,
ସେ ଆଲୋକର ପଥେ
ପରିଚାଳିତ ହୁଏ ଭୂଲୋକ।
ସବୁରି ଉର୍ଦ୍ଧେ ରହି କର
ସବୁରି ସୁକଲ୍ୟାଣ,
ତୁମେ ରହି ଚିର ଜ୍ୟାଜ୍ଜଲ୍ୟମାନ
ପ୍ରେରଣାର କର ଜାଗରଣ।
ହେ ସୂର୍ଯ୍ୟଦେବ !
ତୁମ ପୂଜା ଅର୍ଚ୍ଚନା କରି
କୁଶଳ ମନାସନ୍ତି ସର୍ବେ,
ତୁମେ ସକଳ ଶକ୍ତିର ଆଧାର
ବିଶ୍ବବ୍ରହ୍ମାଣ୍ଡର ଏ ସୁନ୍ଦର ଭବେ।
ତୁମେ ଦେଖାଅ ଆଲୋକର ପଥ
ସଭିଏଁ ହୁଅନ୍ତି ପରିଚାଳିତ,
ତୁମକୁ ସକାଳ ସଞ୍ଜ
ବସୁଧାବାସୀ ହୁଅନ୍ତି ପ୍ରଣିପାତ।
*** *** ***
ବାରିପଦା, ମୟୂରଭଞ୍ଜ
No comments:
Post a Comment