କାର୍ଗିଲ୍ ବିଜୟ ଦିବସ

କାର୍ଗିଲ୍ ବିଜୟ ଦିବସ

ଧନ୍ୟ ବୀର ସୁତ ଧନ୍ୟ ବଳିଦାନ

ଧନ୍ୟ ତୁମ ଜନ୍ମଦାତା

କାର୍ଗିଲ ବିଜୟେ ପ୍ରାଣବଳି ଦେଇ

ରଚିଗଲ ଯୁଦ୍ଧ ଗାଥା ।।୧।।

ରାତିରେ ଆମକୁ ଶାନ୍ତିରେ ଶୁଆଇ

ରହିଅଛ ତୁମେ ଚେତା

ଜୟ ଯବାନ ହେ ସଲାମ ତୁମକୁ

ଆପେ ନଇଁ ଯାଏ ମଥା ।।୨।।

କି ଦିନ କି ରାତି କି ଶିତ କି ତାତି

ତିଳେ ବି ନ କର ଡର

ଭାରତ ମାତାକୁ ସୁରକ୍ଷା ଦେବାକୁ

ଆପ୍ରାଣ ଉଦ୍ୟମ କର ।।୩।।

ପରିବାର ଛାଡି ରହୁଛ ଦୂରରେ

ବରଫ,ପାହାଡ଼,ଚଢି

ଶତ୍ରୁର ଗୁଳିକୁ ଭ୍ରୁକ୍ଷେପ ନ କରି

ଦିଅ ଶତ ସିଂହ ରଡି ।।୪।।

ପାକିସ୍ତାନ ହେଉ ଚାଇନା ଘାତକ

ଲଢ଼ୁଅଛ ବୀର ପଣେ

ଆତଙ୍କବାଦୀଙ୍କ ବନ୍ଧୁକ ବୋମାକୁ

ପଣ୍ଡ କରିଦିଅ ରଣେ ।।୫।।

ଏ ମାଟି ମାଆର ସୁରକ୍ଷା କେବଳ

ପ୍ରତିକ୍ଷଣ ତୁମ ବ୍ରତ

ଏଥି ପାଇଁ ତୁମେ ଚିର ନମସ୍ୟ ହେ

ଘେନ ଆମ ପ୍ରଣିପାତ  ।।୬।।

ଶ୍ରୀ . ଡମ୍ବୁରୁ ଧର ବେହେରା (ଶିକ୍ଷକ)
ଜବାହର ନବୋଦୟ ବିଦ୍ୟାଳୟ 
ପାରଳାଖେମୁଣ୍ଡି,ଗଜପତି(ଓଡ଼ିଶା)

For all support related issues or to reach our team, Please check below details. 

Spread Happiness Foundation, Pune Maharashtra, Ph. +91 8668656155 | contact@spreadhappiness.co.in | Link : https://www.facebook.com/spreadhpy