✍ ଦେବେନ୍ଦ୍ର କୁମାର ନାଏକ
ଧଡ଼ ଧଡ଼ ହେସି ଛାତି
ରାଏତ ଷୁଲହ ଘଡ଼ି ଉସିନ୍ଦ୍ରା
ଖଟେ ଛଟପଟାସି ମନ
ଭରନ ଭରନ ସପନ
କେତେବେଲେ କେନ୍ତା
ସକାଲ ଘୁଚି ଘୁଚି ଯାଏସି
ସତେ ନ ପାହୁ ରାତି।।
କୁକରା ଡ଼ାକଲେ
ପଙ୍ଗପଙ୍ଗକେ
ନୂଆଁ ଭୁଆସେନ
ଘାଟକେ ଯିବାର ବତର
ଛାତକି ଧଡ଼କି ଯାଏସି
ଶାଗହାରୀର ଡ଼କରା
ଗୁରସବାଲାର ଡ଼କରା
ଲାଗୁଥିସି ବିଛୋ ଖଟେ
ସତେ ନ ପାହୁ ରାତି।।
ଫାଇଲ ଉପରେ ଫାଇଲ
ସବୁ ମଏଲା ଟେବୁଲଥି
କଲା ମିସମିସ ଚଉକି
ଝାରୁନ ଝାରୁନ
ଡ଼କରା ଆଏସି ଅଫିସରନୁ
କେତେବାଟ ଗଲା
ବିଲ୍'ଡିଙ୍ଗ କଥା
ଇସ୍କୁଲ ଶୌଚାଳୟର କଥା
ମନ ମରି ଯାଏସି
ଭାବି ଭାବି ଅଫିସର କାମ
ସତେ ନ ପାହୁ ରାତି।।
*** --- ***
👉🏿 ତରଭା, ସୁବର୍ଣ୍ଣପୁର
No comments:
Post a Comment